១. បុរសហូបអាហារមានជាតិស័ង្កសីបានគ្រប់គ្រាន់ជាកត្តាសំខាន់មួយក្នុងការបង្កើតមេជីវិតឈ្មោលឱ្យបុរសឆាប់មានកូន។ ប៉ុន្តែបើបុរសកង្វះសារធាតុស័ង្កសី ឬកម្រិតស័ង្កសីទាបក្នុងអាហារត្រូវបានផ្សារភ្ជាប់ជាមួយនឹងការថយចុះនៃអ័រម៉ូនតេស្តូស្តេរ៉ូនធ្វើឱ្យគុណភាពមេជីវិតឈ្មោលមិនល្អធ្វើឱ្យបុរសគ្មានកូនដែរ។ អាហារសម្បូរសារធាតុស័ង្កសីរួមមាន៖ អយស្ទ័រ សាច់ក្រហម ស៊ុត ក្តាមសមុទ្រ បង្កង និងសណ្តែក ហើយមានទឹកដោះគោ...ជាដើម។ អាហារទាំងនេះជួយបង្កើនគុណភាពមេជីវិតឈ្មោលល្អបំផុតសម្រាប់បុរស។

២. វីតាមីនB12 ជាសារធាតុចិញ្ចឹមដ៏សំខាន់សម្រាប់សុខភាពមេជីវិតឈ្មោលសម្រាប់បុរស។ វាធ្វើឱ្យប្រសើរឡើងនូវចលនារបស់មេជីវិតឈ្មោលនិងបង្កើនចំនួនមេជីវិតឈ្មោល ហើយកាត់បន្ថយការខូចខាត DNA របស់មេជីវិតឈ្មោល។ អាហារមានជាតិវីតាមីន B12 មានដូចជា៖ ត្រី អាហារសមុទ្រ ក្តាម; សាច់គោ ថ្លើមសត្វ និងស៊ុត...។

៣. វីតាមីនE ជួយកែលម្អគុណភាពមេជីវិតឈ្មោលរបស់បុរសជួយប្រឆាំងអុកស៊ីតកម្មការពារមេជីវិតឈ្មោលពីការខូចខាត។ អាហារសម្បូរទៅដោយវីតាមីនE មានដូចជា៖ ប្រេងពោត ផ្កាឈូករ័ត្ន និងប្រេងសណ្តែកសៀង។ បន្លែបៃតងដូចជា ប្រូខូលី និងស្ពៃខៀវ។ ហូបផ្លែឈើមានប៉ោម និងផ្លែប័រន្ថែមនោះ វាមានជាតិវីតាមីន E. ពង្រឹងមេជីវិត។

៤. ការបន្ថែមវីតាមីនD ក្នុងអាហារធ្វើឱ្យប្រសើរឡើងនូវចលនារបស់មេជីវិតឈ្មោល និងបង្កើនកម្រិតអ័រម៉ូនតេស្តូស្តេរ៉ូនបុរសបានរឹងមាំ។ អាហារសម្បូរវីតាមីនD រួមមានៈ ត្រីមានជាតិខ្លាញ់ដូចជា ត្រីសាម៉ុង ត្រីធូណា។ មានថ្លើមសាច់គោ មានឈីស មានស៊ុត ទឹកដោះគោជូរ និងផ្សិត...ជាដើម៕ អត្ថបទដោយ៖ ទ្រ សុភាព