ជំងឺខ្សោយតម្រងនោម ឬខ្សោយក្រលៀន គឺជាជំងឺមួយដែលនាំឱ្យតម្រងនោមអសមត្ថភាពក្នុងការច្រោះយកចាកសំណល់ជាតិគីមីចេញពីក្នុងខ្លួនដែលបង្កឱ្យមានកាកសំណល់នៅស្ទះកកក្នុងឈាម ជាហេតុនាំឱ្យសុខភាពកាន់តែទ្រុឌទ្រោមងាយប្រឈមនឹងជំងឺផ្សេងៗទៀតដូចជា ជំងឺបេះដូង ថ្លើម ទឹកនោមផ្អែម....ជាដើម។
ផ្អែកទៅតាមការចុះផ្សាយរបស់គេហទំព័រ kidney.org បានលើកឡើងឱ្យដឹងផងដែរថា ចំពោះរោគសញ្ញាកើតមានលើរាងកាយអ្នកមានបញ្ហាខ្សោយតម្រងនោម គេច្រើនប្រទះឃើញរួមមាន៖
1.បត់ជើងតូចញឹកញាប់ជាងធម្មតា ឬមិននោមទាល់តែសោះ
2.ស្ពឹក ឬហើមនៅដៃ ជើង កជើង ឬជើង
3. មានអារម្មណ៍ថាអស់កម្លាំង ដង្ហើមខ្លី និងពិបាកផ្តោតអារម្មណ៍
4. ឈឺសាច់ដុំ ឬរមួលក្រពើ
5. រមាស់ ឬ ស្បែកស្ងួត
6. ក្អួត ចង្អោរ និងបាត់បង់ចំណង់អាហារ
7. មានបញ្ហាក្នុងការគេង។
ចំពោះអាការទាំងអស់នេះផងដែរ នឹងបន្តវិវត្តន៍កាន់តែធ្ងន់ទៅៗប្រសិនបើអ្នកជំងឺមិនព្រមយកចិត្តទុកដាក់ថែទាំសុខភាព និងមិនទៅព្យាបាលឱ្យបានទាន់ពេលវេលានោះទេ។ ជាលទ្ធផល បញ្ហាខ្សោយតម្រងនោមនេះ នឹងអាចបង្កជាទៅជាខូចតម្រងនោមកាលណាខូចតម្រងនោមហើយគឺតម្រងនោមមិនអាចច្រោះយកកាកសំណល់ដែលមានក្នុងឈាមបានជាហេតុ តម្រូវឱ្យលាងឈាមជាចាំបាច់៕