ស្មាគឺជាផ្នែកនៃរាងកាយដែលអាចបាក់បែកបាន ហើយក្នុងចំណោមសន្លាក់ទាំងអស់នៅក្នុងរាងកាយ សន្លាក់ស្មាគឺមានចលនាច្រើនបំផុត។ អាការៈឈឺស្មាអាចមានច្រើនទម្រង់ផ្សេងៗគ្នា ដូចជាការរមួល ឬការទាញនៃសាច់ដុំ រួមនឹងកត្តានៃការរងរបួសដែលអាចវិវត្តន៍នៃជំងឺរលាកឆ្អឹងដែលអាច ជះឥទ្ធិពលយ៉ាងខ្លាំងដល់ចលនានៃរាងកាយ។

ការរលាកសរសៃពួរសាច់ដុំស្មាគឺជាស្ថានភាពទូទៅ មួយដែលបណ្តាលឱ្យរលាកនៃសរសៃពួរ ដែលភ្ជាប់សាច់ដុំទៅនឹងឆ្អឹងនៅតំបន់ស្មាដោយសារកត្តា លក្ខខណ្ឌមួយចំនួននៃសកម្មភាពច្រើនរបស់រាងកាយ ដែលតម្រូវឱ្យមានការបង្កើននូវចលនាដៃ ជាពិសេសចំពោះអ្នកលេងកីឡា អ្នកដែលប្រកបការងារដោយប្រើកំលាំង កត្តាឥរិយាបថ ឬអ្នកធ្វើការងារក្នុងការិយ៉ាល័យដែលពាក់ព័ន្ធនឹងការប្រើប្រាស់កុំព្យូទ័រជាដើម។ ករណីការរលាកសរសៃពួរសាច់ដុំស្មាជាបឋម ភាគច្រើនគឺតម្រូវក្នុងការព្យាបាលដោយការធ្វើចលនា ដែលជាជំនួយបានតាមរយៈការកាត់បន្ថយ នូវអាការៈឈឺចាប់តាមបែបធម្មជាតិ និងបង្អាក់នៃការរាលដាល។ រោគសញ្ញានៃការរលាកសរសៃពួរសាច់ដុំស្មា គឺមានអាការៈឈឺចាប់នៅតំបន់ស្មា មានសភាពហើមនិងឡើងក្រហម ហើយរឹង និងបាត់បង់ចលនា ឬនៅពេលប្រើកម្លាំងដៃ។

ការព្យាបាលគឺកាត់បន្ថយនូវអាការៈឈឺចាប់ និងបន្ថយការរលាកមានដូចជា៖

- ស្អំត្រជាក់ ឬក្តៅនៅលើតំបន់ដែលឈឺចាប់

- អនុវត្តន៍នូវការសម្រាករាល់សកម្មភាពផ្សេងៗដែលអាចធ្វើឱ្យការរលាកថយចុះ

- ប្រើប្រាស់ឱសថបំបាត់ការឈឺចាប់

វិធីការពារសំខាន់បំផុត គឺត្រូវយល់ដឹងពីស្ថានភាពនៃរាងកាយរបស់អ្នក និងធ្វើការជួបជាមួយគ្រូពេទ្យ ដើម្បីវាយតម្លៃនៃរោគសញ្ញា និងការឈឺចាប់បានជាក់លាក់។

អត្ថបទ៖ Sem Sotheary