ចំពោះ​ផ្លែប័រក៏មានប្រយោជន៍សម្រាប់ជួយអ្នកសម្រកគីឡូបានល្អណាស់។ ព្រោះវាមានខ្លាញ់ល្អទៅដកខ្លាញ់អាក្រក់ចេញពីរាងកាយ។ ហើយផ្លែប័រជាអាហារពេលព្រឹកល្អបំផុតសម្រាប់សុខភាពសម្រាប់អ្នកមានបំណងចង់សម្រកគីឡូ គឺមិនអាចរំលងផ្លែប័រនេះបានទេ។ យោងតាមរយៈការសិក្សាបានសង្កេតឃើញថាមនុស្សញ៉ាំផ្លែប័រ ១ផ្លែក្នុង ១ថ្ងៃសម្រាប់រយៈពេល៦ខែជាប់ ជួយរក្សាបាននូវទម្ងន់រាងកាយថេរ និងមិនធ្វើឱ្យអ្នកឡើងគីឡូនោះទេ។ តាមគេហទំព័រ Healthline បានបញ្ជាក់ថា ការហូបផ្លែប័រក្នុងមួយថ្ងៃអាចជួយកាត់បន្ថយជាតិខ្លាញ់ក្នុងសរសៃឈាម  ថែមទាំងមានរាងកាយស្លីម សម្រស់ក្មេងជាងវ័យផងដែរ។

ចំណែកផ្លែឈើទីពីរគឺផ្លែប៉ោមនេះឯង បើគិតជាមធ្យមមាន ៩៥កាឡូរី, ២៥ក្រាមនៃជាតិស្ករធម្មជាតិ។ ការសិក្សាមួយពីសាកលវិទ្យាល័យ Ohio បាននបញ្ជាក់ថា ការហូបផ្លែប៉ោមមួយ ក្នុងមួយថ្ងៃ អាចកាត់បន្ថយកម្រិតកូឡេស្តេរ៉ុលនិងស្រូបជាតិស្ករចេញពីសរសៃឈាមបានល្អ។ ត្រូវបានគេរកឃើញថា ការញ៉ាំផ្លែប៉ោមនេះ បន្ថយកម្រិតជាតិខ្លាញ់ LDL ដែលមានអុកស៊ីតកម្ម លីប៉ូប្រូតេអ៊ីនដែលបន្ថយកូលេស្តេរ៉ុលអាក្រក់” ។ ហើយជាតិសរសៃបានធ្វើការការពារប្រឆាំងនឹងជំងឺទឹកនោមផ្អែមប្រភេទទី២ ព្រមទាំងជួយគ្រប់គ្រងជាតិស្ករក្នុងឈាមបានល្អ។ ហើយផ្លែ​ប៉ោមនេះក៏ជួយ​សម្លាប់​បាក់តេរី​​ក្នុងរាងកាយផង​ដែរ៕ អត្ថបទដោយ៖ ទ្រ សុភាព