១. កន្លែងងងឹតជាក្តីសុខ។ អ្នកមានជំងឺផ្លូវចិត្តមិនសូវចូលចិត្តនៅកន្លែងដែលមានពន្លឺខ្លាំង និងមនុស្សច្រើននោះទេ ព្រោះគេមានអារម្មណ៍ថាគ្មានក្តីសុខ មានអារម្មណ៍ធុញ តានតឹន និងគ្មានសុវត្ថិភាពក្នុងចិត្ត។

២. មានអារម្មណ៍ថា ខួរក្បាលគិតពីការកើតទុក្ខស្ទើរគ្រប់ពេលវេលា។ អ្នកមានបញ្ហាផ្លូវចិត្ត មិនអាចគ្រប់គ្រងលើខ្លួនឯងបាន នៅសុខៗ ក៏យំដោយគ្មានមូលហេតុទេ វាជាអារម្មណ៍សោកសៅពីរឿងអតីតកាលដិតជាប់ក្នុងចិត្ត។

៣. មានអារម្មណ៍ខឹងច្រើន ហើយប្រែប្រួលអារម្មណ៍ភ្លាមៗ ដោយគ្មានមូលហេតុនោះទេ។

៤. ចេះតែគិតច្រើនពេលគេង។ ហើយពេលគេងមិនលក់ងាយនឹងឱ្យសុខភាពចុះខ្សោយ។ ការគេងមិនលក់បណ្តាលមកពីមនុស្សគិតច្រើន បារម្ភច្រើន ភ័យខ្លាច... ពេលយប់គេងមិនលក់ តែពេលថ្ងៃគេងថ្ងៃច្រើន។ វាជាសញ្ញាបញ្ជាក់ថា អ្នកអាការៈបញ្ហាផ្លូវចិត្តកម្រិតស្រាលដែរ។ ការគេងមិនលក់អាចប៉ះពាល់ដល់មនុស្សគ្រប់វ័យប៉ុន្តែជាធម្មតាវាប៉ះពាល់ដល់មនុស្សនៅពេលពួកគេកាន់តែចាស់។ ទោះបីជាការគេងមិនលក់មិនមានផលប៉ះពាល់ធ្ងន់ធ្ងរដល់សុខភាពក៏ដោយក៏វាកំណត់ប្រសិទ្ធភាពខួរក្បាលនិងរាងកាយកាន់តែបង្កគ្រោះថ្នាក់ឡើងដែរ។

៥. ការគិតអវិជ្ចមានជាអារម្មណ៍តែងបន្ទោសខ្លួនឯង គិតថាខ្លួនគ្មានតម្លៃ និងអស់សង្ឃឹមក្នុងជីវិត។

៦. ចង់ធ្វើអត្តឃាតដោយគិតថា ខ្លួនអស់ផ្លូវហើយ គ្មានអ្នកណាជួយខ្លួនទេ និងខ្លួនស្លាប់ជាជម្រើសល្អ...។ រោគសញ្ញាធ្វើទុក្ខរាងកាយមួយចំនួនដែលបង្ករឡើងដោយជំងឺផ្លូវចិត្ត បានធ្វើឱ្យរំខានដល់ការ រស់នៅ ការងារ ប្រចាំថ្ងៃ ពីមួយថ្ងៃទៅមួយថ្ងៃ ដោយមិនមានការចាប់អារម្មណ៍ និងធ្វើការវាយតម្លៃស្ថានភាពរោគសញ្ញានៃជំងឺរបស់លោកអ្នកមិនបានច្បាស់លាស់ ជាហេតុបន្តទុករហូតដល់ធ្ងន់ធ្ងរ ទំរាំតែដឹងអាចនឹងហួសពេលហើយចេះតែគិតខ្លីបញ្ចប់ជីវិតខ្លួនដែរ។

បើអ្នកមានកត្តាទាំង ៦នេះ កុំភ័យអី។ គ្រាន់តែកែទម្លាប់ចេញ ផ្លូវចិត្តរបស់អ្នកក៏រឹងមាំឡើងវិញហើយ។ ហើយអ្នកគ្រូ ស៊ុយ សុវឌ្ឍនា បានបញ្ជាក់ថា បើចង់ពង្រឹងផ្លូវចិត្តរបស់អ្នកកាន់រឹងមាំ នេះជាជាដំណោះស្រាយដើម្បីទប់ស្កាត់នៃការវិវត្តន៍ធ្ងន់ធ្ងរនៃជំងឺ៖

- ធ្វើលំហាត់ប្រាណជាប្រចាំ ឬហាត់យូហ្គា និងសម្រាកកាយនិងចិត្តតាមធម្មជាតិ

- ការធ្វើរបបអាហារឲ្យមានតុល្យភាពមានបន្ថែមស្រស់ៗ បន្លែឈើ និងត្រី

-រៀបចំបន្ទប់គេងឱ្យបានល្អ និងព្យាយាមគេងឱ្យទៀងម៉ោង

- កុំញុំាគ្រឿងស្រវឹង ឬគ្រឿងញៀន

-ជជែកកម្សាន្ត ឬបង្កើតបរិយាកាសសប្បាយៗជាមួយមនុស្សជុំវិញ។

- ស្វែងរកវេជ្ជបណ្ឌិត ឬអ្នកចិត្តសាស្រ្ត ដើម្បីផ្តល់ការប្រឹក្សា

-ការព្យាបាលដោយការនិយាយ ការណែនាំ

-ប្រើឱសថដោយវេជ្ជបណ្ឌិតឯកទេស។

អ្នកគ្រូបានផ្តល់នូវសារដ៏មានសារៈសំខាន់មួយដែរថា សូមមេត្តាយកចិត្តទុកដាក់លើការថែទាំសុខភាពផ្លូវចិត្តអោយបានល្អប្រសើរ ព្រោះពិការភាពផ្លូវចិត្តក៏ជាកត្តាគ្រោះថ្នាក់មួយក្នុងការអភិវឌ្ឍន៍ប្រទេសជាតិរបស់យើងទាំងមូល ។ ត្រូវចាំថា សុខភាពផ្លូវចិត្ត និងសុខរាងកាយល្អបរិបូរណ៍ ទើបយើងអាចទទួលបានភាពពេញលេញនៃជីវិត និងរីកចម្រើនទៅបាន៕ អត្ថបទដោយ៖ ទ្រ សុភាព

សូមទំនាក់ទំនងមកកាន់ផេកហ្វេសបុក We Care Mental Clinic វីឃែរ គ្លីនិក ឬតាមរយៈតេឡេក្រាម ដើម្បីធ្វើការណាត់ជួបទុកជាមុនជាមួយវេជ្ជបណ្ឌិត ឯកទេស បានដោយទំនុកចិត្ត នឹងភាពកក់ក្តៅ។ តាមTelegram : 087 744 913