ស្ត្រេសដូចគ្នា ស្ត្រីក្រោយអស់រដូវប្រឈមនឹងហានិភ័យខ្ពស់នៃជំងឺបេះដូងជាងស្ត្រីនៅមានរដូវ ព្រោះកម្រិតនៃអរម៉ូនអ៊ឹស្ត្រូសែនរបស់ស្ត្រីដែលអស់រដូវធ្លាក់ចុះ ដែលធ្វើឱ្យសរសៃឈាមឆ្លើយតបមិនសូវបានល្អប្រសើរក្នុងអំឡុងពេលស្ត្រេស ដោយហេតុនេះវាធ្វើឱ្យរាងកាយរបស់ពួកគាត់ពិបាកនឹងទប់ទល់នឹងភាពតានតឹង និងផលប៉ះពាល់ ដែលយូរៗទៅធ្វើឱ្យកម្រិតនៃការការពារក៏បាត់បង់។
ជំងឺសរសៃឈាមបេះដូង (CVD) គឺជាឃាតករលេខមួយ និងជាបុព្វហេតុនាំ មុខគេនៃពិការភាព ក្នុងចំណោមស្ត្រីនៅក្នុងប្រទេសអភិវឌ្ឍន៍ភាគច្រើន។ យោងតាមការសិក្សាអំពីរោគរាតត្បាតជាច្រើនបង្ហាញថា ស្ត្រីក្នុងកំឡុងពេលមានគភ៌មានហានិភ័យទាបនៃការគាំងបេះដូង ហើយអ័រម៉ូនអេស្ត្រូសែនរបស់ស្ត្រីនេះឯងជាអ្នកផ្តល់នូវការការពារធម្មជាតិនេះ។ ជាធម្មតាការការពារថយចុះបន្ទាប់ពីអស់រដូវ ហើយហានិភ័យនេះកើនឡើងជាលំដាប់ក្នុងរយៈពេល ៥ ទៅ ១០ ឆ្នាំបន្ទាប់ពីអ័រម៉ូនអេស្ត្រូសែនរបស់ស្ត្រីចាប់ផ្តើមចុះខ្សោយ។ ហេតុដូច្នេះហើយស្ត្រីអស់រដូវស្ថិតក្នុងបណ្តុំកត្តាហានិភ័យ ពិសេសមិនបានព្យាបាលត្រឹមត្រូវទេអាចធ្វើឱ្យពួកគាត់ងាយនឹងវិវត្តទៅជាជំងឺ myocardial infarction ខ្សោយបេះដូង និងការគាំងបេះដូងភ្លាមៗ។
លើសពីនេះទៀត អត្ថបទជាច្រើនដែលត្រូវបានចុះផ្សាយថ្មីៗនេះបានបង្ហាញពីឥទ្ធិពលនៃស្ត្រេសទៅលើប្រព័ន្ធសរសៃឈាម បេះដូង និង ខួរក្បាល ក៏ដូចជាការស្ទះ ឫដាច់សរសៃឈាមខួរក្បាល ហើយឥទ្ធិពលនៃស្ត្រេសលើកម្រិតអរម៉ូនអ៊ឹស្ត្រូសែនក៏ត្រូវបានចុះផ្សាយ ដោយអត្ថបទមួយចំនួនដែលបានបោះពុម្ពផ្សាយថ្មីៗនេះផងដែរ៕
ដោយ ហៃ សុចិន្តា