ហើយលោកគ្រូដារា បានបន្តថា ដើម្បីកាត់បន្ថយស្រ្តេស និងការឡើងទម្ងន់ ចូរអ្នកកាត់របបអាហារណាដែលមានជាតិខ្លាញ់ និងជាតិផ្អែម កាត់អាហាររសជាតិបែបនេះ ដូចជាអ្នកកាត់ខ្លាញ់ កាត់ស្រ្តេសដែរ។ ចូរអ្នកជ្រើសអាហារដូចជាបន្លែមានការរ៉ុត ស្ពៃ និងត្រសក់.. ត្រី សាច់គោ និងផ្លែឈើបន្តិចមានដូចជាផ្លែប៉ោម ផ្លែចេក ផ្លែក្រូច.. ហើយអ្នកបន្ថែមទម្លាប់លំហាត់ប្រាណមួយទៀត ខ្លាញ់មិនចង់បញ្ចុះ ក៏ត្រូវតែរលាយដែរ។” នេះជាវិធីល្អមួយ ជួយការពារឡើងគីឡូ និងកាត់បន្ថយស្ត្រេស។

២. ធ្វើលំហាត់ប្រាណបែបណា? តើការធ្វើលំហាត់ប្រាណជួយកាត់បន្ថយស្រ្តេស និងឡើងគីឡូមែនទេ? ដើម្បីបញ្ជាក់់រឿងនេះ យើងមកស្តាប់សម្តីលោកគ្រូ ដារាបន្តថា  ពេលអ្នកខំធ្វើលំហាត់ប្រាណជួយកាត់បន្ថយអរម៉ូនស្រ្តេស និងរក្សាអត្រាចង្វាក់បេះដូងលោតក្នុងការផលិតឈាមកាន់តែល្អពេញរាងកាយតែម្តង”។ មានវិធីមួយទៀតដើម្បីដុតខ្លាញ់ លោកគ្រូបានបញ្ជាក់ថា បើអ្នកចង់សម្រកគីឡូ អ្នកត្រូវតែកាត់ស្រ្តេស ហើយខំធ្វើលំហាត់ប្រាណឱ្យយូរឱ្យខ្លាំង ដើម្បីបំបែកជាតិខ្លាញ់។ អ្នកអាចធ្វើលំហាត់ប្រាណណាមួយដែលខ្លួនចូលចិត្ត។

៣. ពង្រឹងរាងកាយ និងផ្លូវចិត្តបែបណា? តាមលោកគ្រូដារាបាននិយាយថា បើអ្នកចង់ឱ្យរាងកាយ និងផ្លូវចិត្តអ្នកបានល្អ អ្នកគួរធ្វើលំហាត់ប្រាណ និយាយជាមួយមនុស្សជុំខ្លួនបង្កើតភាពរីករាយ និងធ្វើសមាធិនាំឱ្យស្ងប់ដែរ”។ ជាពិសេសការធ្វើសមាធិ​ជួយជម្រះគំនិត និងបំបាត់នូវការវង្វេងស្មារតី ហើយនាំឱ្យអ្នកមានសុខភាពល្អ មានសុភមង្គល។ ហើយចូរអ្នកផ្តោតអារម្មណ៍ទៅលើគោលបំណងរបស់អ្នកទើបអ្នកមានក្តីសុខផ្លូវចិត្តផងដែរ។” បើរាងកាយ និងផ្លូវចិត្តខ្សោយ សុខភាពអ្នកក៏ខ្សោយដែរ។ វិធីល្អ អ្នកត្រូវធ្វើលំហាត់ និងការធ្វើសមាធិដើម្បីប៉ូវចិត្តនិងកាយឡើងវិញ៕ អត្ថបទដោយ៖ ទ្រ​សុភាព