នរណាមិនស្គាល់ក្មេងស្រី សរពេជ្ញ ម៉ានីកា? ម៉ានីការ គឺជាក្មេងស្រី ដែលប្រឡូកក្នុងការសម្ដែងតាំងពីអាយុ៣ឆ្នាំមកម្ល៉េះ ។ ម៉ានីកា គឺជាក្មេងស្រីមួយរូប ដែលទទួលបានការគាំទ្រ ពីសំណាក់ប្រជាជនកម្ពុជា ដោយសារទេពកោសល្យសម្ដែង របស់ក្មេងតូច ម្នាក់នេះ បានអង្រួនចិត្តអ្នកទស្សនារាប់លាននាក់។ មូលហេតុដោយសារ ជាក្មេងស្រី ឆ្លាត ជាពិសេសរូបរាង មុខមាត់វិញក៏គួរឱ្យស្រឡាញ់ទៀត។
តាមរយ៖កិច្ចសម្ពាសន៍របស់ម៉ាក ម៉ានីកាផ្ទាល់នាពេលកន្លងមក គាត់មានប្រសាសន៍ថា កូនស្រីម៉ានីកាមានភាពមមាញឹកជាខ្លាំងលើវិថីសិល្បៈ ប៉ុន្ដែកូនស្រីម៉ានីកាមិនដែលភ្លេចការសិក្សានោះឡើយ។ តួយ៉ាងនៅពេលទំនេរពីការថតកូនស្រីម៉ានីកាតែងតែបង្កើតទម្លាប់ ៣ គឺ រៀនសូត្រ អានសៀវភៅ និងស្រាវជ្រាវនូវអ្វីប្លែកៗលើអាយផេតរបស់ខ្លួន ជាពិសេសរូបនាងចូលចិត្តគូររូបទៀតផង។
ទន្ទឹមនឹងគ្នានេះដែរ អ្នកម៉ាក់របស់ប្អូនស្រី ម៉ានីកា បានលើកឡើងបន្ថែមថា បើនិយាយពីរបបអាហាររបស់ កូនម៉ានីកា គឺរូបគេមិនទម្លាប់ញុំាច្រើននោះទេ។ ជាទូទៅកូនម៉ានីកាចូលចិត្តញុំានូវរបបអាហារ ៤ធំៗគឺ បន្លែបៃតង ផ្លែឈើ ទឹកដោះគោរ និងវីតាមីន។
ថ្មីៗនេះក៏ឃើញ ហ្វេបុកផេករបស់ប្អូនស្រីផ្ទាល់បានផុស និងសរសេរអត្ថន័យថា (កុំឲ្យកូនបងបង្អាប់ថា កូនពៅគិតតែដើរលេង ថតវីដេអូ មិនខំរៀនសូត្រ សូមអរគុណបងៗពូមីងយាយតា និងលោកគ្រូអ្នកគ្រូ) ដោយភ្ជាប់ជាមួយរូបថតមួយសន្លឹកជាមួយលទ្ធផលសិក្សាបានបន្ទុកពេញស្ទើរតែគ្រប់មុនវិជ្ជា និងទទួលបានលទ្ធផលសិក្សាគួរជាទីគាប់ចិត្ត៕
អត្ថបទដោយ៖ ប៉ែត ធីតា
