-មិនញុំាទឹកគ្រប់គ្រាន់៖ អំឡុងពេលខែចុះត្រជាក់ ឬខែធ្លាក់ភ្លៀងមនុស្សយើងម្នាក់ៗភាគច្រើនមិនសូវស្រេកទឹកប៉ុន្មាននោះទេ ដែលនេះជាហេតុធ្វើឱ្យសរីរាង្គកាយរបស់យើងងាយនឹងខ្សោះជាតិទឹកខ្លាំងមែនទែន និងប្រសិនណាបើនិយាយចំពោះស្ត្រីអំឡុងពេលមករដូវទៀតកាន់តែពិបាក និងខ្សោះជាតិទឹកលឿនក្នុងរាងកាយ ខណៈពេលដែលជាតិទឹកនឹងត្រូវបាត់បង់មួយចំនួនបន្ថែមតាមឈាមរដូវ។ 

-ងូតទឹកក្តៅរយៈពេលយូរ៖ ការងូតទឹកក្តៅឧណ្ហៗក្នុងខែត្រជាក់ ឬខែភ្លៀង អាចជួយឱ្យយើងមានអារម្មណ៍ថា ស្រស់ថ្លា កក់ក្តៅក្នុងរាងកាយ និងមានអត្ថប្រយោជន៍មួយផ្នែកទៀតជួយដល់លំហូរឈាមរដូវ។ ក៏ប៉ុន្តែប្រសិនបើមនុស្សស្រីនាអំឡុងពេលមករដូវវិញ គាត់ងូតទឹកក្តៅរយៈពេលយូរវិញ គឺវាអាចនឹងធ្វើឱ្យស្បែករបស់គាត់មានបញ្ហាស្ងួត ងាយបែកស្រកា។ 

-ញុំាស្រា៖ អំឡុងពេលមករដូវមានមនុស្សស្រីមិនតិចនាក់ទេ តែងយល់ច្រលំថា ស្រា អាចជួយដោះស្រាយបញ្ហាឈឺចាប់ពេលមករដូវបាន ប៉ុន្តែនេះជាការយល់ខុសទាំងស្រុង ខណៈពេលដែលជាតិគ្រឿងស្រវឹងនៅពេលណាចូលដល់រាងកាយយើងហើយ វានឹងធ្វើឱ្យរាងកាយកាន់តែឆាប់ខ្សោះជាតិទឹក បង្កើនកម្រិតកន្ត្រាក់នៃស្បូន បង្កឱ្យមានអាការឈឺចុកពោះលើសដើម។

-កង្វះអនាម័យខ្លួនប្រាណ៖ ពេលមករដូវ មនុស្សស្រីចាំបាច់ខ្លាំងរឿងអនាម័យខ្លួនប្រាណឱ្យល្អជានិច្ច ជាពិសេសយកចិត្តទុកដាក់ថែទាំនៅនឹងតំបន់ពិសេសរបស់ខ្លួនតែម្តង ដោយព្យាយាមផ្លាស់ប្តូរសំឡីអនាម័យនៅរៀងរាល់៤ម៉ោងម្តង ងូតទឹក១ថ្ងៃ២ដង និងលាងសម្អាតនៅតំបន់ពិសេសឱ្យបានត្រឹមត្រូវនៅរៀងរាល់ពេលចូលបន្ទប់។ ពីព្រោះនាក្នុងអំឡុងខែធ្លាក់ខ្យល់ត្រជាក់ ឬខែភ្លៀង រាងកាយរបស់យើងងាយនឹងប្រឈមនូវការកើនឡើងមេរោគបាក់តេរីណា បើស្ត្រីគាត់មិនព្រមអនាម័យខ្លួនទេ គឺអាចនឹងងាយធ្វើឱ្យតំបន់ពិសេសនោះងាយឆ្លងនូវមេរោគបាក់តេរី រលាក និងឆ្លងមេរោគផ្សិតផ្សេងៗ៕