សព្វថ្ងៃនេះ មានបញ្ហាធំមួយគឺឪពុកម្តាយបណ្តោយឱ្យកូនមើលទូរស័ព្ទច្រើន ដើម្បីកុំឱ្យកូនយំ។ នេះជាវិធីលួងចិត្តកូនល្អមែន តែផលវិបាកវាធំណាស់ចំពោះខួរក្បាលនិងអារម្មណ៍របស់កូន។ យោងតាមលោកវេជ្ជបណ្ឌិត Thomas C. Chen អ្នកជំនាញខាងប្រព័ន្ធប្រសាទបានលើកឡើងពីហានិភ័យដល់ក្មេងៗ បានបញ្ជាក់ថា ក្នុងរយៈពេលប៉ុន្មានឆ្នាំចុងក្រោយនេះ មានការសិក្សាជាច្រើនបានបង្ហាញអំពីផលប៉ះពាល់នៃវិទ្យុសកម្មទូរស័ព្ទដៃមកលើខួរក្បាលរបស់កុមារ។ ជាមួយគ្នានេះផងដែរមានការលើកឡើងថា កុមារលេងទូរស័ព្ទដៃច្រើនមានលទ្ធភាពកើតដុំសាច់នៅក្នុងខួរក្បាល ករណីនេះមកពីកុមារទទួលផលប៉ះពាល់នៃធាតុវិទ្យុសកម្មហួសកម្រិតខ្លាំងហើយប្រព័ន្ធភាពសុំាកុមារខ្សោយផងនោះ វាជាឱកាសឱ្យប្រព័ន្ធវិទ្យុសកម្មវាយប្រហារមកលើប្រព័ន្ធខួរក្បាលកុមារ”។
តាមការស្រាវជ្រាវថ្មីមួយទៀតបានរួមទាំងការសិក្សាធំមួយបានបោះពុម្ពផ្សាយនៅក្នុង JAMA Pediatrics បង្ហាញពីទំនាក់ទំនងរវាងឪពុកម្តាយនិងកូន ចេះតែឃ្លានឆ្ងាយពីគ្នា។ ព្រោះតែប្រព័ន្ធខួរក្បាលកុមារតូច(អាយុ១ឆ្នាំទៅ២ឆ្នាំ)ងាយដាច់អារម្មណ៍ជាមួយឪពុកម្តាយលឿនណាស់។ ហៅថា “ខួរក្បាលគាំងភាសារទំនាក់ទំនង”។ ហើយទម្លាប់លេងទូរស័ព្ទជួយពន្យាពេលការរលូតលាស់របស់កុមារទើបតែចេះដើរតេះតះផងដែរគឺទាន់ដៃទាន់ជើង។ តាមការសិក្សានេះបានបន្តដានកុមារជាង ៧.០០០នាក់ បានបញ្ជាក់ថា កុមារមួយឆ្នាំងាយប៉ះពាល់ខួរក្បាល ខ្សោយទំនាក់ទំនង កម្រចេះដើរ ហើយមានហានិភ័យខ្ពស់ដល់កែវភ្នែក។ នេះជារឿងឪពុកម្តាយគួរគិតបន្ថែម។
ឪពុកម្តាយគួរតែចំណាយពេលលេងជាមួយកុមារតូចៗ ដោយសកម្មភាពលេងសើច អានសៀវភៅឱ្យកូនស្តាប់ និងនិយាយលេងជាមួយកូន ដើម្បីផ្សារភ្ជាប់ទំនងទំនាក់ជាមួយគ្រួសារផងដែរ។ ទម្លាប់ល្អបែបនេះ ការពារខួរក្បាលកូនកុំឱ្យដុះដុំសាច់ជាដើម។ ជាចុងក្រោយនេះឪពុក ម្ដាយទាំងអស់គួរតែមានការប្រុងប្រយ័ត្នខ្ពស់ចំពោះការផ្ដល់គ្រឿងអេឡិចត្រូនិចឱ្យកូនលេងកំសាន្ដ ជាពិសេសការលេងទូរស័ព្ទតែម្តង៕ អត្ថបទដោយ៖ ទ្រ សុភាព