មានឪពុកម្តាយខ្លះគិតថា ការឱ្យកូនទៅរៀននៅក្នុងសាលាក៏ធ្វើឱ្យកូនឆ្លាតដែរ។ ប៉ុន្តែវាមិនទានគ្រប់គ្រាន់ទេ ដើម្បីឱ្យកូនមានខួរក្បាលឆ្លាត ពូកែចងចាំ និងចេះតស៊ូ ឪពុកម្តាយគួរសាកល្បងវិធីសាស្ត្រខាងក្រោមនេះ៖
១. នាំកូនចេះសួរច្រើន៖ ការសួរជាវិធីបណ្តុះការគិតក្មេងបានល្អបំផុត។ ពេលក្មេងសួរច្រើន ព្រោះក្មេងមានអារម្មណ៍ចង់ចេះចង់ដឹងដើម្បីធ្វើការអភិវឌ្ឍការយល់ដឹងកាន់តែស៊ីជម្រៅអំពីប្រធានបទណាមួយ យល់ដឹងពីអ្វីមួយកាន់តែល្អ ហើយខួរក្បាលកូនរបស់អ្នកកាន់តែឆ្លាតជាងក្មេងដទៃ បើកូនអ្នកមានពូកែសួរច្រើននោះ។
២. សុំឱ្យកូនរបស់អ្នកបង្រៀនអ្នក៖ ការលើកទឹកចិត្តកូនរបស់អ្នកឱ្យពន្យល់ពីមេរៀន ហេតុការណ៍ ការលេងកម្សាន្ត ដែលក្មេងកំពុងរៀនបានជួប បានធ្វើរួចដល់អ្នកវិញ។ ឪពុកម្តាយធ្វើជាឆ្ងល់ មិនចេះ មិនដឹង ដើម្បីតេស្តមើលថាតើកូនៗរបស់អ្នកអាចចងចាំបានប៉ុនណា។ ហើយកូនអ្នកនឹងប្រើការគិតឆ្លើយនឹងសំណួររបស់អ្នក។
៣. ការលើកទឹកចិត្តឱ្យកូនមានទម្លាប់អាន៖ ពេលអ្នកអានសៀវភៅឱ្យកូនស្តាប់ជាប្រចាំថ្ងៃ វាផ្តល់អត្ថប្រយោជន៍ដល់កូនៗ ឱ្យមានគំនិតឆ្លាតវៃគិតបានល្អ និងអារម្មណ៍ល្អផងដែរ។ ការអានគឺជួយឱ្យកូនរបស់លោកអ្នកមានភាពឆ្លាតវៃ មានការចង់ចាំល្អ។ ការមានទម្លាប់បែបនេះ ធ្វើឱ្យកូនអ្នកយកគំរូតាមឪពុម្តាយ។ ហើយពួកគេអាចជ្រើសរើសសៀវភៅអានដោយខ្លួនឯងព្រោះការអានជាការអប់ចិត្តរំគំនិតរបស់កុមារល្អបានល្អបំផុត៕ អត្ថបទដោយ៖ ទ្រ សុភាព