ជំងឺរាក់ស៊ីធ្មេញ វាជាការរលាកធ្ងន់ធ្ងរលើអញ្ចាញធ្មេញដែលប៉ះពាល់ដល់ជាលិកាទន់ជុំវិញអញ្ចាញ និងធ្វើឲ្យបាត់បង់ឆ្អឹងដែលទ្រទ្រង់ធ្មេញ។ ជំងឺនេះធ្វើឲ្យធ្មេញរង្គើ អាចមានគ្រោះថ្នាក់ដល់គាំងបេះដូង ឬដាច់សរសៃឈាមខួរក្បាលនិងបង្កឲ្យមានបញ្ហាសុខភាពធ្ងន់ធ្ងរច្រើនទៀត។
ជាក់ស្ដែងយោងតាមទន្ដបណ្ឌិត សំ សូវ៉ាត់ឌី បានឲ្យដឹងថា ជំងឺរាក់ស៊ីធ្មេញកើតឡើងមកពីកំណកកំបោរដែលនៅតោងស្អិតជាមួយនឹងធ្មេញយូរឆ្នាំបង្កមកពីការអនាម័យមាត់ធ្មេញមិនបានស្អាតល្អ។ លោកគ្រូបានបន្ថែមទៀតថា ជាទូទៅជំងឺរាក់ស៊ីធ្មេញច្រើនតែមានរោគសញ្ញាកើតឡើងដំបូងគេនោះគឺបញ្ហាក្លិនមាត់មិនល្អ បន្ទាប់មកទៀតក៏ចាប់ផ្ដើមមានបញ្ហារលាកអញ្ចាញធ្មេញ ខណៈអញ្ចាញដែលមានសុខភាពល្អគឺមានពណ៌ផ្កាឈូក ហើយអញ្ចាញដែលសុខភាពមិនល្អគឺមានពណ៌ក្រហម ដំណាក់កាលចុងក្រោយនោះគឺបណ្ដាលឲ្យធ្មេញរង្គើព្រោះតែឆ្អឹងចាប់ផ្ដើមស្រុតហើយលេចចេញធ្មេញទាំងមូលតែម្ដង ដែលបណ្ដាលឲ្យធ្មេញលោតចេញមកដោយខ្លួនឯង ឬក៏ឈឺចាប់នៅពេលដែលយើងទំពារ។
ដោយឡែកបញ្ហាជំងឺរាក់ស៊ីធ្មេញនេះទន្ដបណ្ឌិត សំ សូវ៉ាត់ឌី បានគូសបញ្ជាក់ថា ជំងឺនេះគឺអាចកើតឡើងទៅលើមនុស្សគ្រប់ប្រភេទដោយមិនប្រកាន់អាយុ ភេទ ហើយនិងវ័យទេ។ មនុស្សគ្រប់គ្នាសុទ្ធតែមានឱកាសប្រឈមនឹងជំងឺរាក់ស៊ីធ្មេញ បើកាលណាយើងមិនបានអនុវត្តការថែរក្សាសុខភាពមាត់ធ្មេញឲ្យត្រឹមត្រូវ ជាប្រចាំជាប់លាប់។
ទាក់ទិញនឹងជំងឺរាក់ស៊ីធ្មេញនេះលោកគ្រូពេទ្យបានណែនាំនូវវិធីសាស្រ្ដមួយចំនួនដែលជួយឲ្យចៀសផុតពីជំងឺរាក់ស៊ីធ្មេញពាក់ព័ន្ធទាំងការថែទាំដោយយើងត្រូវតែធ្វើការសម្អាតមាត់ធ្មេញឲ្យបានស្អាតក្រោយពេលបរិភោគដោយការប្រើ Flosh ដែលជាអំបោះទាក់ធ្មេញឲ្យបានជាប្រចាំ ហើយក្នុង១ថ្ងៃយើងត្រូវតែដុសសម្អាតធ្មេញឲ្យបាន២ទៅ៣ដង កាត់បន្ថយ ឬក៏កុំជក់បារី អ្វីដែលសំខាន់ទៀតនោះត្រូវតែរៀបចំផែនការមកពិនិត្យសុខភាពមាត់ធ្មេញក្នុង១ឆ្នាំឲ្យបាន២ដង ៦ខែ១ម្ដង និងបរិភោគបន្លែ ផ្លែឈើដែលជំនួយដល់ធ្មេញឲ្យបានច្រើន។
គួរឱ្យដឹងផងដែរថា ទន្ដបណ្ឌិត សំ សូវ៉ាត់ឌី កំពុងបម្រើការនៅពេទ្យធ្មេញពិស្សុត និងជាប្រធានផ្នែកវះកាត់ក្រអូមមាត់នៃមហាវិទ្យាល័យសាទន្ដសាស្រ្ដនៃសកលវិទ្យាល័យពុទ្ធសាស្រ្ដ។ ជាមួយគ្នានេះផងដែរពេទ្យធ្មេញពិស្សុត មានសេវាកម្មវះកាត់ធ្មេញថ្គាមទាល់ ដាំបង្គោលក្នុងឆ្អឹង ពត់ធ្មេញ ដាក់ធ្មេញ ព្យាបាលជំងឺរលាកអញ្ចាញធ្មេញ និងបិទធ្មេញឲ្យសតាមបែបធម្មជាតិ។ សម្រាប់បងប្អូនចង់ពិនិត្យនឹងព្យាបាលសេវាកម្មណាមួយដែលបានរៀបរាប់នៅខាងលើ អាចទំនាក់ទំនងណាត់ជួបទន្ដបណ្ឌិត តាមរយៈទូរសព្ទ័លេខ៖ ០១៥ ៣៥៣ ៣១០ ៕
អត្ថបទដោយ៖ ស្រីណុច