ទាក់ទងទៅនឹងបរិយាកាសនិងបញ្ហាជុំវិញខ្លួន យើងមើលឃើញថាមានមនុស្សច្រើនណាស់កំពុងតែប្រឈមជាមួយជំងឺផ្សេងៗ។ ក្នុងចំណោមជំងឺទាំងនោះយើងឃើញថាជំងឺច្រមុះក៏កើតមានច្រើនណាស់ដែរចំពោះមនុស្សគ្រប់វ័យ។ ហើយចំពោះបញ្ហាច្រមុះនេះផងដែរ បើអ្នកមានអាការៈរុំារ៉ៃជាប្រចាំចំពោះវានោះសបញ្ជក់ថាអ្នកកំពុងតែមានជំងឺ អាលាក់ហ្ស៊ីច្រមុះហើយ។ ខាងក្រោមនេះជារោគសញ្ញាដែលប្រាប់ថាអ្នកកុំពុងតែមានជំងឺអាលាក់ហ្ស៊ីច្រមុះ៖
រោគសញ្ញា រោគសញ្ញានៃអាលាក់ហ្ស៊ីច្រមុះរួមមាន៖
-ហៀរសំបោរថ្លាៗ
-តឹងច្រមុះ
-កណ្ដាស់
-រមាស់ភ្នែក
-រមាស់ត្រចៀក
-រមាស់ក្រអូមមាត់
-ឈឺក្បាល។
មូលហេតុ៖ ចំណែកឯមូលហេតុវិញដោយសារ៖
-ធូលីដី
-រោមសត្វចិញ្ចឹម
-ផ្សែង និងផ្សែងគីមី
-លំអងផ្កា
-ចំណីអាហារ
-មាស៊ីនត្រជាក់ ...។
ដំណោះស្រាយ៖ អ្នកគួរតែមានទម្លាប់រស់នៅឲ្យបានស្អាត រួមទាំងសម្អាតបន្ទប់គេងដូចជាឧស្សាហ៍បោកខ្នើយ ភួយជាញឹកញាប់ និងបើកបង្អួចឲ្យមានខ្យល់និងពន្លឺថ្ងៃចូល ដើម្បីជួយសម្លាប់នូវបាក់តេរីទាំងអស់ដែនោះចោល។ ការញុំាទឹកក្ដៅឲ្យបានជាប្រចាំក៏អាចជួយឲ្យច្រមុះរបស់អ្នកធូរពីជំងឺអាលាក់ហ្ស៊ីច្រមុះនេះផងដែរព្រោះទឹកក្ដៅធ្វើឲ្យសារធាតុរំអរិលដែលនៅក្នុងច្រមុះឆាប់ស្ងួតទៅវិញដោយសារចំហាយនៃទឹកក្ដៅបានបំភាយទៅកាន់ច្រមុះដែលមានលក្ខណៈធូរស្រាល ហើយប្រសិនបើអ្នកមាននៅចម្ងល់បន្ថែមចំពោះបញ្ហានេះ សូមលោកអ្នកទៅពិគ្រោះជាមួយគ្រូពេទ្យបន្ទាន់។
អត្ថបទដោយ៖ ភី សៅឌី