ក្រសួងពាណិជ្ជកម្មកម្ពុជា កាលពីរសៀលថ្ងៃព្រហស្បតិ៍នេះ បានចេញសេចក្តីជូនដំណឹងស្តីពីការចាត់វិធានចំពោះផលិតផលម្សៅទឹកដោះគោ Nutrilatt ដោយឱ្យក្រុមហ៊ុនផ្អាកជាបន្ទាន់រាល់ការនាំចូល ការចែកចាយ និងបញ្ជាឱ្យក្រុមហ៊ុនប្រមូលត្រឡប់មកវិញឱ្យអស់ ហើយគ្រប់ឪសថស្ថាន ផ្សារទំនើប និងហាងលក់ទំនិញនានាត្រូវផ្អាកការលក់ជាបន្ទាន់ ដោយយផ្អែកលើលទ្ធផលវិភាគលើសំណាកគំរូ ចេញដោយមន្ទីរពិសោធន៍ស្តង់ដារមួយនៅសិង្ហបូរីដែលបង្ហាញថាមានកម្រិតជាតិដែកទាបខ្លាំង គឺទាបខ្លាំងជាងកម្រិតស្តង់ដារអប្បរមាទៅទៀត ដែលអាចបង្កគ្រោះថ្នាក់ដល់សុខភាពទារកនិងកុមារ នេះបើតាមសេចក្តីជូនដំណឹងរបស់ក្រសួងពាណិជ្ជកម្មកម្ពុជានារសៀលនេះ។

គួរបញ្ជាក់ថា វិធានការនេះមានគោលបំណងដើម្បីទប់ស្កាត់ផលប៉ះពាល់ដល់សុខភាពទារកនិងកុមារ ពីការបំបៅកូនដោយម្ស៉ៅទឹកដោះគៅម៉ាក Nutrilatt ស្របតាមសារលិខិតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក្រោមប្រធានបទ “ការបំបៅកូនដោយទឹកដោះម្តាយ” គឺជាជម្រើសដ៏ល្អប្រសើរសម្រាប់អភិវឌ្ឍមូលធនមនុស្ស និងសេដ្ឋកិច្ចជាតិ។

សូមអានសេចក្តីលម្អិតនៃសេចក្តីជូនដំណឹងស្តីខាងក្រោម៖

ប្រភព ក្រសួងពាណិជ្ជកម្មកម្ពុជា

អត្ថបទដោយ ហៃ សុចិន្តា