តាមការឱ្យដឹងពី ក្រសួងព័ត៌មាន នៅថ្ងៃទី២១ ខែមករា ឆ្នាំ២០២៣ បានឱ្យដឹងថា កម្ពុជាសម្រេចជាផ្លូវការ ក្នុងការប្រើឈ្មោះ គុនខ្មែរ (Kun Khmer) ជំនួសឱ្យពាក្យថា មួយ(Muay) សម្រាប់ការប្រកួតកីឡាអាស៊ីអគ្នេយ៍ លើកទី៣២ ឆ្នាំ២០២៣។
ឯកឧត្តម វ៉ាត់ ចំរើន អគ្គលេខាធិការ គណៈកម្មាធិការជាតិរៀបចំការប្រកួតកីឡាអាស៊ីអគ្នេយ៍ លើកទី៣២ ឆ្នាំ២០២៣ ដែលហៅកាត់ថា (CAMSOC) យើងបានសម្រេចប្រើពាក្យ គុនខ្មែរ ជាកត្តិយសសម្រាប់ប្រទេសកម្ពុជាក្នុងនាមជាម្ចាស់ផ្ទះ។ ក្នុងនោះ CAMSOC ក៏បានផ្ញើលិខិតជាលាយលក្ខណ៍អក្សរ ជូនដំណឹងទៅកាន់គណៈកម្មាជាតិNOC ដែលជាប្រទេសជាសមាជិកអាស៊ានទាំងអស់ឱ្យដឹងរួចរាល់ ក្នុងការផ្លាស់ប្តូរឈ្មោះពី "Muay" មកជា "គុណខ្មែរ" វិញក្នុងនាមជាម្ចាស់ផ្ទះនេះ។
គួរឱ្យបញ្ជាក់ឱ្យដឹងដែរថា កម្ពុជានឹងធ្វើជាម្ចាស់ផ្ទះរៀបចំកីឡាស៊ីហ្គេមនាពេលដ៏ខ្លីខាងមុខនេះ ដែលនឹងចាប់ផ្ដើមឡើងចាប់ពីថ្ងៃទី១៧ ខែឧសភាព ឆ្នាំ២០២៣ តទៅ។ ជាមួយគ្នានេះ គណៈកម្មាជាតិរៀបចំការប្រកួតកីឡាអាស៊ីអគ្នេយ៍ក៏បានឱ្យដឹងថា កម្ពុជាបានត្រៀមខ្លួនយ៉ាងល្អលើការងារសន្តិសុខ និងសណ្តាប់ធ្នាប់ សម្រាប់ទទួលប្រតិភូជាង១ម៉ឺននាក់មកចូលរួមស៊ីហ្គេម ឆ្នាំ២០២៣ កែសម្រួលរួចហើយ៕
អត្ថបទដោយ៖Senghong