បច្ចុប្បន្ននេះ ប្រទេសកម្ពុជាកំពុងប្រឈមនឹងការមកដល់នៃរលកទី៣នៃការឆ្លងរីករាលដាលទ្រង់ ទ្រាយធំនៃជំងឺកូវីដ -១៩ បណ្ដាលមកពីមេរោគបំប្លែងខ្លួនថ្មីប្រភេទ ដែលតា(Delta) និងស្របពេលខេត្តកំពង់ចាមជាខេត្តមួយត្រូវអនុវត្តកាតព្វកិច្ចពាក់ម៉ាស និងកាតព្វកិច្ចរក្សាគម្លាតសុវត្ថិភាពក្នុងអំឡុងពេលនៃការឆ្លងរាលដាលនៃជំងឺកូវីដ-១៩ក្នុង សហគមន៍។
ដូច្នេះទើប រដ្ឋបាលខេត្តកំពង់ចាម បានចេញសេចក្ដីប្រកាសស្ដីពី ការបន្តសុពលភាពនៃការអនុវត្ត វិធានការរដ្ឋបាល ដើម្បីទប់ស្កាត់ការឆ្លងរីករាលដាលនៃជំងឺកូវីដ-១៩ ក្នុង ភូមិសាស្ត្រខេត្តកំពង់ចាមរយៈពេល ០២ (ពីរ) សប្ដាហ៍បន្ថែមទៀត ចាប់ពីថ្ងៃទី១៥ ខែតុលា រហូត ដល់ថ្ងៃទី២៨ ខែតុលា ឆ្នាំ២០២១។
គួរបញ្ជាក់ផងដែរថា គិតត្រឹមថ្ងៃទី១៣ ខែតុលា ឆ្នាំ២០២១នេះ កម្ពុជារកឃើញអ្នកឆ្លងសរុបចំនួន ១១៥,៦០៧នាក់ អ្នកជាសះស្បើយសរុបចំនួន ១០៩,២៩៦នាក់ និងអ្នកស្លាប់សរុបចំនួន ២,៥៥៩នាក់។
សូមអានសេចក្ដីប្រកាសលម្អិតបន្ថែមអំពីសកម្មភាពហាមអនុវត្តន៍ និងសកម្មភាពលើកលែង៖