ថ្ងៃទី៦ខែមីនា ឆ្នាំ២០២៣ គ្រូពេទ្យផ្នែកតម្រងនោម នៃមន្ទីរពេទ្យមិត្តភាពខ្មែរ-សូវៀតបានចុះផ្សាយតាមរយៈហ្វេសបុកផេកផ្លូវការ ដោយរៀបរាប់បង្ហាញថា អ្នកជំងឺក្រុមគ្រូពេទ្យព្យាបាល បានខូចខាតតម្រងនោមយ៉ាងខ្លាំង ដោយសារក្រួសនៅក្នុងជាច្រើនគ្រាប់ ក្រុមគ្រូពេទ្យក៏ព្យាបាលដោយ កាត់តម្រងនោមម្ខាងដែលខូចចេញ។ ក្រុមគ្រូពេទ្យក៏បាន អំពាវនាវថា សូមបងប្អូន ប្រញាប់មកទទួលសេវាពិគ្រោះ បើមានបញ្ហា
-ចុកចាក់រោយចង្កេះក្រោមឆ្អឹងជំនីខាងក្រោយ
- ពិបាកនោម នោមតិច នោមចុក នោមខ្ទុះ …។
អាស្រ័យហេតុនេះហើយ សូមបងប្អូនទាំងអស់គ្នាប្រយ័ត្នជាមួយសុខភាពតម្រងនោម បើកើតមានបញ្ហាណាមួយ នៅតិចៗសូមបងប្អូនកុំទុកយូរ ដូចករណីអ្នកជំងឺមានក្រួសក្នុងតម្រងនោមពេញទាំងអស់ ទើបតម្រូវឱ្យកាត់ចេញម្ខាងចោលភ្លាមៗ បើមិនដូច្នេះទេ ងាចប៉ះពាល់ដល់អាយុជីវិតបាន៕
អត្ថបទដោយ៖ ប៉ែត ធីតា
