តាមរយៈ អ្នកប្រឹក្សាផ្នែកអាហារូបត្ថម្ភ Rupali Datta បាននិយាយថា​ ហ្សែនគឺជាអ្នកដែលកំណត់​ទម្រង់ ប្រភេទសក់ ទាំងត្រង់ រួញ ជាដើម ដែលអ្នកមិនអាចទៅកែប្រែបានឡើយ។ ម៉្យាងទៀត បញ្ហាសក់កើតឡើង ពោលបង្កឡើយដោយសារ កត្តាទាំងខាងក្នុង ខាងក្រៅនាំឱ្យសក់ជ្រុះ សក់ បែកចុង​សក់ស្ងួត សក់គ្មានសំណើមតែបញ្ហានេះ គឺយើងអាចកែប្រែវាបាន ។

ដូច្នេះហើយ ដើម្បីដោះស្រាយបញ្ហាសក់ជ្រុះ​សក់បែកចុង សក់គ្មានសំណើម ភេសជ្ជៈធម្មជាតិទាំងប៉ុន្មាននេះ​មានសមត្ថភាពជួយឱ្យសក់ដុះមកវិញលឿន ធ្វើឱ្យសក់មានសំណើម ភ្លឺរលោង មានទម្ងន់។ នេះបើយោងតាមរយៈគេហទំព័រ ndtv.com បានណែនាំស្ដេចភេសជ្ជៈ៣ប្រភេទដែលអ្នកមានបញ្ហាសក់មិនគួរមើលរំលងឡើយ។

១.ទឹកត្រសក់៖ ទឹកត្រសក់សម្បូរដោយជាតិទឹក ផលិតខ្លាញ់គ្រប់គ្រាន់ ដែលល្អសម្រាប់ស្បែកក្បាល ធ្វើឱ្យក្បាលមានសំណើម ជាហេតុនាំឱ្យអាចកាត់បន្ថយ​ហានិភ័យនៃសក់ជ្រុះ សក់ស្ងួតផងដែរ ។

២.ទឹកការ៉ុត៖ សម្រាប់អ្នកចង់បានសក់ស្អាត សក់វែង ដុះក្រាស់ល្អ មិនងាយប្រែពណ៌ គួរតែបន្ថែមទឹកការ៉ុតនៅក្នុងរបបអាហារ១កែវជាប្រចាំថ្ងៃ​ បណ្ដាលឱ្យសក់មានសុខភាពល្អមិនងាយបែកចុង ជ្រុះឡើងមកឡើយ។

៣.ទឹកប្រទាលកន្ទុយក្រពើ៖ ទឹកនេះស​ម្បូរដោយ វីតាមីន​A ,C ,E ដែលវីតាមីន ល្អសម្រាប់ជំនួយសក់ ជួយឱ្យសក់មានសុខភាពល្អ ភ្លឺរលោងមានទម្ងន់ ទន់ល្អ។

បន្ថែមជាមួយគ្នានេះ វេជ្ជបណ្ឌិត Abraham Armani, MD ឯកទេសវះកាត់ ព្យាបាលស្បែក និងបញ្ហាជ្រុះសក់នៅទីក្រុង Dallas រដ្ឋ Texas បានបង្ហាញថា សក់អាចដុះលូតលាស់បានល្អ ត្រូវបានផ្សារភ្ជាប់ជាមួយនឹងបញ្ហាវីតាមីន និងសារជាតិចិញ្ចឹមផ្សេងៗទៀតដែលមនុស្សគ្រប់រូបទទួលបានមកពីចំណីអាហារប្រចាំថ្ងៃ ដោយសារវីតាមីន និងសារជាតិចិញ្ចឹមទាំងនោះរួមមាន៖ វីតាមីន A ឲ C D E បាយអូនទីន ( Biotin ) ឬ វីតាមីន B –complex ជាមួយនឹងជាតិដែក សេលេញូម និងស័ង្កសី ផងដែរ។

អត្ថបទដោយ៖ ប៉ែត ធីតា