ជំងឺរលាកសន្លាក់គឺជាជំងឺទូទៅបំផុតនៃជំងឺសន្លាក់ក្នុងចំណោមមនុស្សវ័យចំណាស់ ហើយវាក៏ជាមូលហេតុមួយក្នុងចំណោមមូលហេតុទូទៅបំផុតនៃពិការភាពរាងកាយ ក្នុងចំណោមមនុស្សវ័យចំណាស់ផងដែរ។ ជំងឺនេះប៉ះពាល់ទាំងបុរសនិងស្ត្រី។ នៅមុនអាយុ ៤៥ ឆ្នាំជំងឺរលាកសន្លាក់ឆ្អឹងច្រើនកើតលើបុរសជាងស្ត្រី។ បន្ទាប់ពីអាយុ ៤៥ ឆ្នាំ ជំងឺរលាកសន្លាក់ឆ្អឹងកើតមានច្រើនលើស្ត្រី។
ផងដែរ ជំងឺរលាកសន្លាក់កើតឡើងនៅពេលជាលិការឆ្អឹងខ្ចីដែលរុំចុងឆ្អឹងក្នុងសន្លាក់បែក និងដាច់ចេញ។ ក្នុងករណីខ្លះ ឆ្អឹងខ្ចីទាំងអស់អាចនឹងបាត់ទៅវិញដោយបន្សល់ទុកនូវឆ្អឹងដែលជះទង្គិចលើគ្នា។
រោគសញ្ញានៃជំងឺរលាកសន្លាក់ឆ្អឹង
- រឹងនៅតាមគន្លាក់ ពិបាកបត់បែនចលនា និងឈឺចាប់ស្រាលៗ និងឈានដល់ការឈឺសន្លាក់ធ្ងន់ធ្ងរ
- ហើម និងសាច់ដុំទន់ជ្រាយ
- មានសម្លេងនៃឆ្អឹងត្រដុសលើឆ្អឹងពេលបត់បែន។
ជំងឺរលាកសន្លាក់ភាគច្រើនជះឥទ្ធិពលលើដៃ ខ្នង ក និងសន្លាក់ដែលទ្រទម្ងន់ដូចជាជង្គង់ ត្រគាក និងប្រអប់ជើង។ ជំងឺរលាកសន្លាក់ប៉ះពាល់តែសន្លាក់ទេ មិនមែនសរីរាង្គខាងក្នុងទេ។
មូលហេតុនិងកត្តាហានិភ័យនៃជំងឺរលាកសន្លាក់ឆ្អឹង
ក្រុមអ្នកស្រាវជ្រាវសង្ស័យថាជំងឺរលាកសន្លាក់ឆ្អឹងបណ្តាលមកពីកត្តារួមផ្សំនៅក្នុងខ្លួន និងបរិស្ថានរស់នៅជុំវិញ។ ឱកាសនៃការវិវត្តទៅជាជំងឺរលាកសន្លាក់ឆ្អឹងកើនឡើងតាមអាយុ។ ការដាក់ភាពតានតឹង និងសម្ពាធច្រើនពេកទៅលើសន្លាក់ដែលធ្លាប់រងរបួសស្រាប់ ការតម្រឹមសន្លាក់មិនត្រឹមត្រូវ និងធាត់លើសទម្ងន់អាចរួមចំណែកដល់ការវិវត្តនៃជំងឺរលាកសន្លាក់។
ប្រសិនបើម្តាយ ឬជីដូនរបស់អ្នកមាន ជំងឺរលាកសន្លាក់ឆ្អឹងនៅក្នុងដៃ អ្នកនឹងមានហានិភ័យខ្ពស់ជាងមធ្យមផងដែរ។ ផងដែរ ស្ត្រីទំនងមានហានិភ័យនៃជំងឺរលាកឆ្អឹងក្នុងដៃច្រើនជាងជាបុរស ពិសេសបន្ទាប់ពីអស់រដូវ៕
ដោយ ហៃ សុចិន្តា