ធម្មតារបស់ដែលយើងប្រើប្រាស់ជាប្រចាំតែងទទួលរង់ការខូខាត ដោយមិនអាចគេចផុតឡើយ។តែរបស់ខ្លះពេលនៅជាមួយម្ចាស់ចេះថែ ចេះថ្នម យកចិត្តទុកដាក់គឺតែងតែអាចប្រើប្រាស់បានយូរអង្វែង ជាងរបស់ដែលនៅជាមួយម្ចាស់ដែលចេះតែប្រើដោយមិនដែលជួសជូលឫប្រើដោយមានកម្រិតត្រឹមត្រូវ។
មិនខុសគ្នាពីសរីរាង្គរបស់យើងដែល យើងតែងឱ្យវាធ្វើការជាប្រចាំ តែងត្រូវការសម្រាក ត្រូវការព្យាបាល និង ប្រើប្រាស់ដោយប្រុងប្រយ័ត្នទើបដំណើរការណ៍បានរលូន និងមានគុណភាពយូរអង្វែង។ជាក់ស្ដែងខួរក្បាល ដែលជាផ្នែកមួយជួយគិតពិចារណា និងផ្ដល់ឱ្យគុណភាពជីវិតកាន់តែល្អប្រសើរ គឺត្រូវការការថែទាំឱ្យបានល្អ ជាមួយនិងទិកនិកនៃការមើលថែដែលមានគុណភាព ហើយស៊ីជាមួយនិងរបទជីវិតនាពេលបច្ចុប្បន្នផងដែរ។
តាមការសិក្សាជាច្រើនលើផ្នែកខួរក្បាល បានលើកឡើងថាការសមាធិជាវិធីសាស្រ្តដ៏ល្អបំផុត ដែលអាចជួយស្រោចស្រង់ ព្យាបាល ការពារ និងជួយពង្រឹមបន្ថែមលើសមត្ថភាពធ្វើការរបស់ខួរក្បាលឱ្យកាន់តែល្អ។
ពិតណាស់មានក្រុមហ៊ុនស្ថាប័នល្បីៗក្នុងពិភពលោកមិនតិចទេ ដែលបានដាក់ឱ្យបុគ្គលិក សិស្ស ជាដើម អនុវត្តន៍កម្មវិធីសមាធិនេះបានជាប់លាប់។ក្នុងមានដូចជា ក្រុមហ៊ុន Aplle Google Yahoo Facebook Nike CBRE ជាដើម គឺមានបន្ទប់ធ្វើសមាធី និងក្រុមហ៊ុនខ្លះមានគ្រូបង្វឹកលើការអភិវឌ្ឍផ្នែកផ្នត់គំនិតផ្សេងៗផងដែរ។
ក្នុងនោះផងដែរតារាភាពយន្តដ៏ល្បី អ្នកស្រី Angelina Jolie ក៏ធ្លាប់បង្ហើបអ្នកសារព៌ត័មានថាខ្លួនមានទម្លាប់សមាធីជាប្រចាំផងដែរ ពិសេសពេលមានអារម្មណ៍មិនល្អ និងបញ្ហាក្នុងរង្វង់ការងារឫគ្រួសារជាដើម។
យោងតាមការឱ្យដឹងរបស់គេហទំព័រphycologisttoday បានឱ្យដឹងថាការសមាធិដែលងាយហើយអាចធ្វើដោយខ្លួនងបានគឺ អ្នកអាចចំណាយពេលប្រហែល២០នាទីជាប្រចាំដោយធ្វើការអង្គុយនៅកន្លែងស្ងប់ស្ងាត់ ហើយព្យាយាមតាមដានដង្ហើមខ្លួនឯង ទាំងដង្ហើមចេញនិងដង្ហើមចូលតែ ហើយវាពិតជាពិបាកនៅពេលអ្នកធ្វើបែបនេះដំបូងៗ តែអ្នកត្រូវព្យាយាមទាញអារម្មណ៍មកតាមដានដង្ហើមខ្លួនឯងវិញ បើអ្នកគិតរឿងផ្សេងពេលសមាធិនោះ។ដោយធ្វើបែបនេះឱ្យបានទៀងទាត់ នោះអ្នកនឹងមានអារម្មណ៍ស្រស់ថ្លា ខួរក្បាលហាក់មានភាពជ្រះស្រលះ ជាងមុន ហើយគិតអ្វីបានរហ័ស ជាងមុន មានភាពស្ងប់អាចរំងាប់អារម្មណ៍បានល្អមិនឆេវឆាវ ច្រើនទៀតនោះទេ។មិនតែប៉ុណ្ណោះអ្នកនឹងគិតវិជ្ជមានច្រើនជាងមុន ថែមទៀតផង។
អត្ថបទដោយ៖ ភោគ ម៉ារី