មិនខុសអ្វីពីការកើតមានចិត្តខឹងដែរ អារម្មណ៍ស្រ្តេស អាចនឹងពិបាកគ្រប់គ្រងនៅពេលកើតឡើងភ្លាមៗ ចំពោះអ្នកនៅពេលប្រឈមនឹងរឿងកើតឡើងមិនល្អមិនសមបំណង ជាប់គាំងការងារភ្លាមៗជាដើម។ហើយការកើតមានអារម្មណ៍បែបនេះនឹងធ្វើឱ្យប៉ះពាល់ ដល់ការធ្វើការងារដែលនៅចំពោះមុខ ការសម្រេចចិត្តលើកិច្ចការធំ ជាដើមជួនកាលបង្កើតជា ហេតុធ្វើឱ្យមានការបែបបាក់មិត្តភាពថែមទៀតផង។
មធ្យោបាយលឿនបំផុតដើម្បីកាត់បន្ថយស្ត្រេសគឺដោយដង្ហើមជ្រៅៗមួយ ខណៈដែលអារម្មណ៍អ្នកមិនល្អនោះ ឫនៅពេលដែលអ្នកខឹងនរណាម្នាក់ អ្នកក៏អាចអនុវត្តន៍វាបានដែរ។
មួយវិញទៀតអ្នកអាចអនុវត្តន៍ការប្រើញាណទាំង៥របស់អ្នក ដូចជា ការមើលឃើញ, ភ្លក់រសជាតិនិងការប៉ះ - ឬតាមរយៈចលនាដែលផ្តល់ភាពកក់ក្តៅដូចជា ការមើលរូបថតដែលចូលចិត្ត ក្លិន ស្តាប់តន្ត្រី ការទំពាស្ករកៅស៊ូឬអោបសត្វចិញ្ចឹម (ឆ្កែ ឫឆ្មា) ។
បន្ថែមពីនេះអ្នកអាចបណ្តុះគំនិតវិជ្ជមាន លើរឿងដែលកើតឡើងនោះឱ្យបានច្រើន និងទទួលស្គាល់ថារឿងបានកើតឡើងហើយ ទោះយ៉ាងណាមិនត្រូវឆេវឆាវ ធ្វើឱ្យទម្ងន់ផ្លូវចិត្តកាន់តែធ្ងន់ធ្ងរឡើយ។
គួរបញ្ជាក់ដែរថា ភ្លាមៗនោះអ្នកត្រូវធ្វើការផ្ដោតលើស្ថានភាពខ្លួនឯងឱ្យបានឆាប់រហ័ស ដើម្បីដឹងពីអារម្មណ៍មិនល្អរបស់អ្នកដែលកំពុងកើតឡើងនោះ ហើយផ្ដើមអនុវត្តន៍វិធីសាស្រ្តខាងលើភ្លាម កុំទុកឱ្យនៅយូរជាមួយអ្នកព្រោះវានឹងកាន់តែរាលដាល ទៅជាការបង្កបញ្ហាកាន់តែច្រើនថែមទៀត។
គួររំលឹកដែលថានៅពេល មានសម្ពាធលើផ្លូវចិត្តសុំកុំទុកអូសបន្លាយឱ្យវា នៅយាយីអារម្មណ៍របស់អ្នកឱ្យសោះ សូមស្វែងរកអ្នកពិគ្រោះយោបល ឱ្យបានឆាប់ បើទុកយូរៗទៅក្រែងមានបញ្ហាកាន់តែធ្ងន់លើផ្លូវចិត្ត ព្រោះបញ្ហាផ្លូវចិត្តអាចមានការវិវត្តន៍ទៅជាជំងឺផ្លូវចិត្តផ្សេងៗទៀត។