ថ្ងៃក្ដៅខ្លាំងណាស់! ភេសជ្ជៈ៣មុខនេះគួរចៀសវាងកុំផឹក ប្រយ័ត្ន ប្រឈមខ្សោះជាតិទឹក និងជំងឺដាច់សរសៃឈាមខួរក្បាល

នៅអំឡុងខែក្ដៅ រាងកាយរបស់យើងច្បាស់ជា ជួបប្រទះនឹងបញ្ហា ដូចជាខ្សោះជាតិទឹក ឈឺក្បាល វិលមុខ អស់កម្លាំង ស្បែកមានបញ្ហា ឡើងកម្ដៅក្នុងខ្លួនជាដើម។ ដូច្នេះហើយគេណែនាំឱ្យអ្នកត្រូវឧស្សាហ៍ផឹកទឹកឱ្យបានគ្រប់គ្រាន់ដើម្បីចៀសវាងហានិភ័យកើតមានឡើងមក។

សំណួរសួរថា នៅក្នុងខែក្ដៅនេះ តើភេសជ្ជៈអ្វីដែលគួរតែចៀសវាងផងដែរ ដើម្បីការពារសុខភាព?

 នេះបើយោងតាមរយៈ piedmont គេបានបញ្ជាក់ឱ្យដឹងថា នៅអំឡុងខែក្ដៅបងប្អូនអាចងាយជួបប្រទះបញ្ហាដូចបានរៀបរាប់ខាងលើ អាស្រ័យហេតុនេះហើយ ភេសជ្ជៈដែលបងបប្អូនគួរតែចៀសវាង នឹងកាត់បន្ថយ ផឹក គឺមានស្រា ភេសជ្ជៈមានជាតិផ្អែមខ្លាំង និងភេសជ្ជៈមានជាតិកាហ្វេអ៊ីន។ ព្រោះភេសជ្ជៈទាំងនេះ និងធ្វើឱ្យរាងកាយរបស់បងប្អូនបាត់បង់ជាតិទឹកលឿន ត្រូវនឹងខែកំពុងក្ដៅទៀត ប៉ះពាល់សុខភាពកាន់តែធ្ងន់ធ្ងរ។ ពីព្រោះថាប្រសិនណាបងប្អូនផឹកច្រើន នោះងាយនឹងជួបប្រទះបញ្ហាដូចខាងក្រោម៖

-វិលមុខ

-ក្អួតចង្អោរ

-មាត់​ស្ងួត

-ភាពច្របូកច្របល់

-ជំងឺគ្រុនក្តៅ

-ប្រឈមជាមួយជំងឺដាច់សរសៃឈាមខួរក្បាល។

មួយវិញទៀតប្រសិនណាបងប្អូនចង់កាត់បន្ថយហានិភ័យ នៅអំឡុងពេលផឹកស្រានៅខែក្ដៅ អាចអនុវត្តគន្លឹះការពារសុខភាពទុកជាមុនបាន មានដូចខាងក្រោម៖

-ប្រសិនណាអ្នកចូលរួមកម្មវិធីហើយត្រូពិសារស្រា គួរតែផឹកទឹកឱ្យបានច្រើនជាមុន

-មុនពេលពិសារស្រា អ្នកគួរតែញុំាអាហារដើម្បីទ្រាប់ក្រពះរបស់អ្នកជាមុនសិន។ កាលណាក្រពះរបស់អ្នកមានអាហារគឺអាចជួយពន្យឺតការស្រូបយកជាតិអាល់កុលចូលក្នុងខ្លួនរបស់អ្នក

-ចៀសវាងក្រុមភេសជ្ជៈដែលមានជាតិកាហ្វេអ៊ីន ភេសជ្ជៈកែច្នៃ ព្រោះភេសជ្ជៈប្រភេទទាំងនេះ នឹងធ្វើឱ្យអ្នកងាយប្រឈមនឹង ខ្វះជាតិទឹកកាន់តែខ្លាំងជាក់ជាមិនខាន

-គួរជ្រើសរើសយកប្រភេទបន្លែផ្លែឈើសម្រាប់ញុំាឱ្យបានច្រើន ដូចជាបន្លែសាឡាដ តាសក់ រួមទាំងបន្លែផ្សេងទៀតដែលមានជាតិទឹកច្រើន ឬក៏ផ្លែឪឡឹក ជាដើម ដើម្បីជួយបំពេញជាតិទឹក។

ជាចុងក្រោយនៅអំឡុងខែក្ដៅនេះ ប្រភេទស្រា និងភេសជ្ជៈមានជាតិកាហ្វេអ៊ីន ភេសជ្ជៈកែច្នៃ អ្នកគួរតែព្យាយាមកាត់បន្ថយផឹកនៅខែក្ដៅ ព្រោះអាចធ្វើឱ្យប៉ះពាល់សុខភាពរបស់អ្នកខ្លាំង៕