(ភ្នំពេញ)៖ ក្រុមហ៊ុន Herbalife កម្ពុជា ដែលជាក្រុមហ៊ុន និងសហគមន៍សុខភាព និងសុខុមាលភាពលំដាប់ថ្នាក់ពិភពលោក បានអញ្ជើញអត្តពលិក និងគ្រូបង្វឹកដែលក្រុមហ៊ុន Herbalife បានឧបត្ថម្ភកន្លងមក ពីសហព័ន្ធកីឡាទោចក្រយាន្តកម្ពុជា ទៅចូលរួមក្នុងកម្មវិធី Proactive Fitness នៅសហរដ្ឋអាមេរិក។

កម្មវិធីនេះបានចាប់ផ្តើមនៅ Proactive Sports Performance ដែលចូលរួមបង្កើតឡើងដោយ Herbalife ដែលកន្លែងហាត់ប្រាណមានគ្រឿងបរិក្ខារទំនើបៗ និងបច្ចេកវិទ្យាខ្ពស់ ដែលផ្តល់ជូននូវកម្មវិធីស្តារនីតិសម្បទាកីឡា ការធ្វើតេស្តការហ្វឹកហាត់ និងការអប់រំក្នុងការគ្រប់គ្រងអាហារូបត្ថម្ភសម្រាប់អត្តពលិក ដែលមានទីតាំងនៅ Westlake Village រដ្ឋ California សហរដ្ឋអាមេរិក។

ជាមួយនឹងរយៈពេលប្រាំមួយថ្ងៃនៃកម្មវិធី Proactive Fitness បានផ្តល់ឱកាសដល់អត្តពលិកដែលត្រូវបានឧបត្ថម្ភកន្លងមករួមមាន លោក ឃឹម ម៉េងឡុង កីឡាករប្រណាំងកង់ជម្រើសជាតិ ដែលដណ្ដើមបានមេដាយប្រាក់ និងសំរឹទ្ធ ក្នុងការប្រកួតកីឡាស៊ីហ្គេម លើកទី៣២ នៅកម្ពុជា និងលោក អ៊ុច សុខវិបុល គ្រូបង្វឹកនៃសហព័ន្ធកីឡាទោចក្រយាន្តកម្ពុជា ដើម្បីចូលរួមវគ្គបណ្តុះបណ្តា​លជាច្រើនដែលធ្វើឡើងជារៀងរាល់ថ្ងៃដោយបុគ្គលិកឯកទេសផ្នែកកីឡា។ លើសពីនេះ ការតាមដានក្រោយការទៅជួបគឺត្រូវបានផ្តល់ជូន ដើម្បីតាមដានការអនុវត្តន៍របស់អត្តពលិក។ កម្មវិធីនេះក៏រួមបញ្ចូលវគ្គព្យាបាលកាយសម្បទា ម៉ាស្សា និងថ្នាក់យូហ្គា សម្រាប់កីឡាករបន្ទាប់ពីការបណ្តុះបណ្តាល និងហ្វឹកហាត់ផងដែរ។

អ្នកជំនាញអាហារូបត្ថម្ភរបស់ Herbalife ក៏បានរៀបចំផែនការអាហារូបត្ថម្ភផ្ទាល់ខ្លួន ជូនដល់អត្តពលិកផងដែរសម្រាប់ការហ្វឹកហាត់ និងការអនុវត្តប្រចាំថ្ងៃរបស់ពួកគេ។ លើសពីនេះ អត្តពលិកទទួលបានអត្ថប្រយោជន៍ក្នុងការទទួលបានការអប់រំជាបន្តបន្ទាប់ជាមួយក្រុមមន្ទីរពិសោធន៍ Herbalife ទាក់ទងនឹងការហ្វឹកហាត់ អាហារូបត្ថម្ភ ជាដើម សម្រាប់ការគាំទ្របន្ថែមលើការបំពេញការងាររបស់ពួកគេនាពេលអនាគតនៅពេលត្រលប់មកកម្ពុជាវិញសម្រាប់ការប្រកួតទាំងថ្នាក់ជាតិ និងអន្តរជាតិ។

“ឆ្នាំនេះ ក្រុមហ៊ុន Herbalife កម្ពុជាមានមោទនភាពក្នុងការពង្រីកការគាំទ្ររបស់យើងបន្ថែមទៀតដល់កីឡាកម្ពុជា ដោយផ្តល់ការគាំទ្រដល់អត្តពលិកជើងឯកថ្នាក់ជាតិកីឡាទោចក្រយាន្ត ចំនួន ២រូប ដើម្បីទទួលបានបទពិសោធន៍ហ្វឹកហាត់ដោយផ្ទាល់ និងដំបូងបង្អស់នៅសហរដ្ឋអាមេរិក។ ជាមួយនឹងឧបករណ៍បច្ចេកវិជ្ជាទំនើបៗនៅទីតាំងផ្ទាល់ និងក្រុមអ្នកជំនាញផ្នែកប្រតិបត្តិការកីឡានៅនឹងកន្លែង នឹងជួយអត្តពលិកតាមដានការរីកចម្រើនរបស់ខ្លួន ប្រៀបធៀបទិន្នន័យ និងកំណត់ស្តង់ដារការអនុវត្ត ដែលអនុញ្ញាតឱ្យពួកគេអាចផ្លាស់ប្តូរ និងវិវឌ្ឍន៍ជំនាញរបស់ពួកគេ។”, នេះ​បើ​តាមប្រសាសន៍​លោកស្រី ឈុន ណៃឈីវ ប្រធាន​ក្រុមហ៊ុន Herbalife កម្ពុជា។

លោក អ៊ុច សុខវិបុល គ្រូបង្វឹកនៃសហព័ន្ធកីឡាទោចក្រយាន្តកម្ពុជា ដែលបានទៅចូលរួមកម្មវិធី Proactive Fitness នៅសហរដ្ឋអាមេរិក មានប្រសាសន៍ថា “ខ្ញុំសូមអរគុណដល់ Herbalife កម្ពុជា ដែលតែងតែឧបត្ថម្ភ និងយកចិត្តទុកដាក់ដល់វិស័យកីឡានៅកម្ពុជា ជាពិសេសដល់គឺកីឡាករ កីឡាការនី និងគ្រូបង្វឹកកីឡាទោចក្រយានរបស់យើង ព្រមទាំងព្រឹត្តិការណ៍កីឡាទោចក្រយានផងដែរ។ ខ្ញុំយល់ថា កម្មវិធី Proactive Fitness នេះគឺពិតជាល្អ ពីព្រោះវាអាចផ្តល់ជាចំណេះដឹង និងពត៌មានផ្សេងៗទាក់ទងនឹងអាហារូបត្ថម្ភ នឹងដំណោះស្រាយនៃការហ្វឹកហាត់ផ្សេងៗដើម្បីឈានទៅទទួលបានជោគជ័យកាន់តែប្រសើរ។ ស្របពេលជាមួយគ្នានោះ យើងក៏មានឱកាសជួបជាមួយនឹងកីឡាករ កីឡាការិនី និងគ្រូបង្វឹកមកពីបណ្តាប្រទេសផ្សេងៗទៀត ដើម្បីផ្លាស់ប្តូរបទពិសោធន៍ ជំនាញ និងគន្លឹះដល់ចាំបាច់ផងដែរ»។

តួយ៉ាង តាមរយៈការឧបត្ថម្ភសហព័ន្ធកីឡាទោចក្រយាន្តកម្ពុជាតាំងពីឆ្នាំ ២០២១ មក ក្រុមហ៊ុន Herbalife ប្រចាំប្រទេសកម្ពុជា បានផ្តល់ជូនអត្តពលិក និងគ្រូបង្វឹកនូវផលិតផលអាហារូបត្ថម្ភកីឡារបស់ខ្លួន រួមមាន Herbalife 24 F1 Sport, Herbalife 24 Rebuild Strength និង Herbalife 24 CR7-Drive ។ កម្មវិធីឧបត្ថម្ភប្រចាំឆ្នាំរបស់ Herbalife បានផ្តល់មិនត្រឹមតែផលិតផលអាហារូបត្ថម្ភប៉ុណ្ណោះទេ ថែមទាំងការបណ្តុះបណ្តាលអាហារូបត្ថម្ភដល់អត្តពលិកសហព័ន្ធ ដែលជួយដល់ការអភិវឌ្ឍន៍របស់ពួកគេ ដើម្បីអាចប្រកួតប្រជែងកីឡាទោចក្រយាន្តទាំងថ្នាក់ជាតិ និងអន្តរជាតិ។

#####

អំពីក្រុមហ៊ុន Herbalife

ក្រុមហ៊ុន Herbalife (NYSE: HLF) គឺជាក្រុមហ៊ុនសុខភាព និងសុខុមាលភាពឈានមុខគេ និងជាសហគមន៍ដែលកំពុងផ្លាស់ប្តូរជីវិតរបស់មនុស្សជាមួយនឹងផលិតផលអាហារូបត្ថម្ភដ៏អស្ចារ្យ និងជាឱកាសអាជីវកម្មសម្រាប់អ្នកសមាជិកឯករាជ្យរបស់ខ្លួនចាប់តាំងពីឆ្នាំ 1980។ ក្រុមហ៊ុនផ្តល់ជូននូវផលិតផលដែលគាំទ្រដោយវិទ្យាសាស្រ្តដល់អ្នកប្រើប្រាស់នៅក្នុងទីផ្សារជាង 90 តាមរយៈសមាជិកឯករាជ្យដែលផ្តល់ជូននូវការបណ្តុះបណ្តាលមួយទល់មួយ និងផ្តល់ការគាំទ្រសហគមន៍ដោយបំផុសគំនិតឱ្យអតិថិជនប្រកាន់ខ្ជាប់នូវរបៀបរស់នៅដែលមានភាពសកម្ម និងមានសុខភាពល្អដើម្បីរស់នៅក្នុងជីវិតដ៏ល្អបំផុតរបស់ពួកគេ។