១. ឈឺទ្រូង ៖ ការឈឺចាប់នៅក្នុងទ្រូង ជាញឹកញាប់ជួបប្រទះក្នុងទម្រង់នៃការតឹង ធ្ងន់ ឬច្របាច់ អាចបង្ហាញពីឈាមរត់មិនស្មើរគ្នា។ ក្នុងករណីដែលការឈឺចាប់នេះកើតឡើងអំឡុងពេលហាត់ប្រាណ ហើយបាត់ទៅវិញបន្ទាប់ពីការសម្រាក វាគឺជាសញ្ញាប្រកាសអាសន្ននៃសរសៃឈាមអាចស្ទះ បើអ្នកមានអាការៈបែបនេះគួរប្រញាប់ទៅពិគ្រោះជាមួយវេជ្ជបណ្ឌិតដើម្បីធ្វើការព្យាបាលឱ្យទាន់ពេលវេលា។

២. វិលមុខ ឬឈឺក្បាលស្រាល៖ ការវិលមុខឬឈឺក្បាលធ្លាប់កើតទៅលើមនុស្សជាទូទៅ អ្នកខ្លះដល់ថ្នាក់ដួលសន្លប់ ឬគ្រាន់តែមានអារម្មណ៍ថាមិនសមាមាត្រអាចកើតឡើងនៅពេលដែលខួរក្បាលមិនទទួលបានការផ្គត់ផ្គង់ឈាមគ្រប់គ្រាន់ជាមួយនឹងអុកស៊ីសែន។ មនុស្សមួយចំនួនគិតថារោគសញ្ញានេះគឺជារឿងទូទៅមិនមានអ្វីគួរឱ្យព្រួយបារម្ភខ្លាំង ក៏ប៉ុន្តែវាមិនមែនកើតឡើងដោយចៃដន្យនោះឡើយ ព្រោះរោគសញ្ញាបែបនេះអាចមានន័យថាស្ទះសរសៃឈាម ឬបញ្ហាបេះដូង។

៣. ឈឺចាប់នៅដៃ ក ឬថ្គាម៖ ការឈឺចាប់ដែលចេញពីទ្រូង ជាពិសេសទៅដៃ ក ខ្នង ឬថ្គាម គឺពាក់ព័ន្ធគ្នាខ្លាំងណាស់។ ការឈឺចាប់ដែលជាធម្មតាត្រូវបានគេមើលឃើញតែនៅពេលដែលសរសៃឈាមត្រូវបានស្ទះ ការទាញកនន្ត្រាក់សាច់ដុំ តែនេះក៏ជារោគសញ្ញាមួយព្រមាននៃជំងឺស្ទះសរសៃឈាម ឬបញ្ហាបេះដូង។

៤. ដកដង្ហើមខ្លីៗមិនដល់គ្នា៖ ប្រសិនបើអ្នកមានអារម្មណ៍ថាពិបាកដកដង្ហើម ដកង្ហើមខ្លីៗផុតៗ បើទោះបីជាអ្នកកំពុងធ្វើការស្រាលៗក៏ដោយ ឬសូម្បីតែនៅពេលដែលអ្នកសម្រាកនេះអាចជាសញ្ញាបង្ហាញថា សរសៃឈាមតូចចង្អៀតកំពុងកាត់បន្ថយបរិមាណអុកស៊ីសែនដែលមាន។ នៅពេលដែលវាបង្ហាញថាអ្នកពិបាកដកដង្ហើមទាំងមិនសមហតុផល នោះឱកាសដែលបេះដូងរបស់អ្នកកំពុងមានបញ្ហាគឺមានច្រើន។

៥. អស់កម្លាំងដែលមិនអាចពន្យល់បាន៖ អស់កម្លាំងរ៉ាំរ៉ៃ បើទោះបីជាបានសម្រាកគ្រប់គ្រាន់ក៏ដោយក៏នៅតែមិនប្រសើរឡើងនោះ វាអាចជារោគសញ្ញានៃបញ្ហាឈាមរត់មិនស្រួលដែលបណ្តាលមកពីសរសៃឈាមស្ទះ។ នៅពេលដែលបេះដូងរបស់អ្នកមានបញ្ហាចរាចរឈាមមិនល្អ និងអស់កម្លាំងពេញមួយថ្ងៃ។

យ៉ាងណាមិញនេះ ទាំងនេះគឺរោគសញ្ញាមួយចំនួនដែលអ្នកអាចសម្គាល់បាន ហើយប្រសិនបើអ្នកសង្កេតឃើញថាខ្លួនមានចំណុចណាមួយដែលមិនស្រួល ត្រូវតែប្រញាប់ទៅជួបជាមួយគ្រូពេទ្យធ្វើការពិនិត្យ ដើម្បីទទួលបានការព្យាបាលឱ្យបានទាន់ពេលវេលា ប្រសិនបើអ្នកពិតជាមានបញ្ហាស្ទះសរសៃឈាម ឬបញ្ហាបេះដូងពិតមែន៕  

អត្ថបទដោយ៖ សារួ