និយាយដល់វិស័យចំណីរអាហារនៅកម្ពុជានៅមានលក្ខណៈទូលំទូលាយមែនទេ ជាពិសេសនឹងគឺពពួកអាហារមួយចំនួនដែលធ្វើឱ្យប៉ះពាល់ដល់សុខភាពអ្នកបរិភោគ។ ជាទូទៅអ្នកបរិភោគមានច្រើនជាងអ្នកលក់ ហើយអ្នកបរិភោគពេលខ្លះក៏មិនបានគិតគូរដល់សុខភាពខ្លាំងក្លានោះទេ ពោលគឺឱ្យតែឃ្លានញ៉ាំសិនហើយមិនថាជាអាហារលក់ស្រាប់ឬអាហារទិញមកចំអីនខ្លួនឯង។ ដោយសារហេតុនេះហើយទើបយើងឃើញមានប្រជាជនយើងនៅពេលអាយុច្រើនបន្តិចចាប់ផ្តើមមានជំងឺប្រចាំខ្លួន ហើយតាមរយៈការសម្ភាសជាមួយវេជ្ជបណ្ឌិតជាច្រើនរូបកន្លងមកបានបង្ហាញថាអ្នកជំងឺភាគច្រើនបណ្តាលមកពីកត្តាចំណីរអាហារមិនល្អឬមិនគ្របើគ្រប់គ្រាន់នោះឯង។

ដើម្បីដោះស្រាយបញ្ហានេះយើងមិនអាចទៅហាមឃាត់អតិថិជនបានគ្រប់គ្នាទាំងអស់នោះទេ តែយើងអាចចូលរួមចំណែកម្នាក់បន្តិចតាមរយៈអ្នកលក់ផ្ទាល់និងអតិថិជនខ្លួនឯង។ អតិថិជនបច្ចុប្បន្នក៏ចាប់ផ្តើមមានការជ្រើសរើសអាហារបានត្រឹមត្រូវជាងមុន គឺពួកគាត់គិតគូរដល់សុខភាពជាច្រើនដែលសបញ្ជាក់ឱ្យឃើញថាអាជីវករក៏គួរចាប់ផ្តើមងាកទៅរកអាជីវកម្មណាដែលគិតដល់សុខភាពអតិថិជនជាធំផងដែរ។ ក្រុមការងារHealthy Cambodiaយើងនឹងលើកយកអាជីវកម្ម២ប្រភេទដែលកំពុងតែជាទីពេញនិយមនិងគាំទ្រពីសំណាក់អតិថិជនជាខ្លាំង មកជាគម្រូសម្រាប់មិត្តអ្នកអាន។

១. ហាងដាវ៉ាន់ គឺជាហាងលក់បន្លែ ផ្លែឈើ សាច់​ គ្រឿងទេស សុវត្ថិភាពគ្មានសារធាតុគីមីដែលបង្កើតឡើងដោយស្ថាបនិក៣រូប។ សូមរម្លឹកផងដែរថា ដាវ៉ាន់ បានបង្កើតឡើងក្នុងគោលបំណងតែមួយគត់គឺធ្វើយ៉ាងណាឱ្យតុអាហាររបស់ពលរដ្ឋកម្ពុជាទាំងអស់មានអាហារសុវត្ថិភាពទទួលទាន។ លោកបានបញ្ជាក់ប្រាប់ក្រុមការងារយើងថាទោះបីជាការលក់បន្លែ ផ្លែឈើ សាច់ដែលឆ្លងកាត់ការតេស្តរកសារធាតុគីមីច្រើនដងពីអ្នកជំនាញដែលឆ្លងកាត់ការហ្វឹកហាត់ពីប្រទេសអ៊ីស្រាអែលត្រឹមត្រូវ ហើយយកមកដាក់លក់ក្នុងតម្លៃមួយដែលធូរថ្លៃជាងតម្លៃទីផ្សារ។ នៅពេលដែលក្រុមការងារសួរថា តើបងធ្វើបែបនេះមិនខ្លាចប៉ះពាល់ប្រាក់ចំណូលទេខណៈបងអាចលក់បានតម្លៃថ្លៃបើធៀបនឹងអ្នកផ្សេង? តែអ្វីដែលគាត់ឆ្លើយតបមកវិញនោះគឺ អាជីវកម្មណាក៏ត្រូវប្រាក់ចំណេញដែរ តែអ្វីដែលសំខាន់ជាងប្រាក់គឺគុណតម្លៃ។ គាត់សុខចិត្តយកចំណេញតិចឱ្យតែប្រជាជនមានអាហារសុវត្ថិភាពទទួលទាន លើសពីនេះគាត់អាចជួយឱ្យកសិកររកទីផ្សារបានថែមទៀត។​ នេះគឺជាមទោនភាពរបស់គាត់ដែលឃើញប្រជាជនមានសុខភាពល្អតាមរយៈការបរិភោគ។ សម្រាប់បងប្អូនដែលចង់បាន បន្លែ ផ្លែឈើ និងសាច់ដែលមានសុវត្ថិភាព លោកអ្នកអាចទំនាក់ទំនងទៅទូរស័ព្ទលេខ 011 338 133 ឬអាចចូលមើលតាមរយៈផេកហ្វេសប៊ុក ដាវ៉ាន់ Davane ដើម្បីមើលតម្លៃសិនក៏បានដែរ ព្រោះទំនិញនៅទីនោះមានតម្លៃសមរម្យ៕

ក្រៅពីក្រុមហ៊ុនដែលបានរៀបរាប់ខាងលើនេះ ដែលកំពុងតែទទួលបានការគាំទ្រពីសំណាក់អតិថិជន ក៏មានក្រុមហ៊ុនច្រើនទៀតដែលយកចិត្តទុកដាក់លើសុខភាពអតិថិជនហើយទទួលបានការគាំទ្រខ្លាំង។ មួយក្នុងចំណោមនោះគឺ ហាងសាលម៉ុនហាប់ ឬ Salmon Hub និង Salmon Box KH ដែលបានបង្កើតឡើងដោយនិសិត្សពេទ្យម្នាក់គឺកញ្ញា សឿន ទេព្ពី។

ការបង្កើតហាងនេះឡើងគឺមិនខុសពីអ្វីដែលជាអត្តសញ្ញាណរបស់កញ្ញាដែលជាវេជ្ជបណ្ឌិតទេ គឺកញ្ញាចង់ឃើញប្រជាជនយើងទទួលបាននូវអាហារសុខភាពសម្រាប់បរិភោគប្រចាំថ្ងៃ។ ក្នុងហាងរបស់កញ្ញាមានលក់ត្រីសាលម៉ុន សូស៊ី និងពពួកត្រីសុខភាព ដែលនាំចូលផ្ទាល់ពីប្រទេសនូវែស។ កញ្ញាបានបន្ថែមថា កាលខ្លួននៅជានិសិត្ស សាលម៉ុននេះគឺជាអាហារដែលកញ្ញាចូលចិត្តបំផុតតែកញ្ញាពុំមានលទ្ធភាពក្នុងការញ៉ាំទេដោយសារវាមានតម្លៃថ្លៃនៅក្នុងហាង ដូចនេះកញ្ញាក៏បានសម្រេចចិត្តបើកលក់នាំចូលខ្លួនឯងហើយលក់ក្នុងតម្លៃបាច់ពី៥ដុល្លារឡើងទៅដែលអាចធ្វើឱ្យគ្រប់គ្នាមានលទ្ធភាពញ៉ាំ។ ប៉ុន្តែនេះមិនមែនជាចំណុចសំខាន់ទេ អ្វីដែលសំខាន់ជាងនេះគឺកញ្ញាបានបញ្ជាក់ថា សុខភាពអ្នកបរិភោគគឺជារឿងសំខាន់បំផុតរបស់ហាង ដូចនេះកញ្ញាមិនលក់របស់លេខ២ទេ ហើយក៏មិនលក់របស់សល់ដែរ ព្រោះវាជាអាហារឆៅបើសល់អាចប៉ះពាល់សុខភាពអ្នកញ៉ាំ។

ការគិតបែបនេះបានធ្វើឱ្យហាងរបស់កញ្ញាលក់ដាច់រាល់ថ្ងៃ មកទាំងភ្ញៀវចាស់ ភ្ញៀវថ្មី ហើយសរសើរមិនដាច់បីមាត់ពីរសជាតិនិងការយកចិត្តទុកដាក់របស់ម្ចាស់ហាង។

ឧទាហរណ៍ទាំង២ខាងលើសបញ្ជាក់ឱ្យឃើញថា អាជីវកម្មទាំង២ទោះបីជាចំណូលតិចមែនតែលក់បានបរិមាណច្រើន ដូចនេះនៅតែអាចរកចំណូលបានហើយ ថែមសុខភាពឱ្យអតិថិជនហើយ នៅទទួលបានការសរសើរពីអតិថិជនទៀតផង៕

អត្ថបទដោយ៖ អឿ ស្រីហួយ