ទម្លាប់ពេលព្រឹកគឺជាពេលអស្ចារ្យមួយ ជាពេលចាប់ផ្ដើមថ្ងៃថ្មី ដូច្នេះហើយ បើពេលព្រឹកឡើងអ្នកស្រ្តេស អារម្មណ៍អួអាប់ ម៉ួម៉ៅ មុខមិនរីក នោះពេលព្រឹករបស់អ្នកប្រាកដជា ក្លាយជាពេលព្រឹកគ្មានសិរីសួស្តីអ្វីឡើយ។ ដូច្នេះហើយ ដើម្បីឱ្យពេលព្រឹករបស់អ្នកពោពេញដោយ លាភជ័យ សិរីសួស្ដី ទាំងនេះជាទម្លាប់នាំលាបនាំសំណាងទាំងព្រឹក។

នេះបើយោងតាមរយៈគេហទំព័រ self​.com បានណែនាំទម្លាប់តូចៗពេលព្រឹកបើអ្នកធ្វើជាប្រចាំ សរីសួស្តីមកពេញ១ថ្ងៃ ហើយទម្លាប់ទាំងនោះមានដូចជា៖

១.រៀបចំបន្ទប់គេង៖ រឿងដំបូងសម្រាប់ធ្វើនៅពេលព្រឹកគឺការបត់ មុង ភួយ ខ្នើយ ដែលខ្លួនបានគេង ឱ្យបានស្អាតបាត ហើយ​អ្នកប្រាកដជាមានអារម្មណ៍ថា ខ្លួនឯងបានធ្វើរឿងមួយដែលរួចរាល់ល្អនោះរឿងផ្សេងៗនឹងរលូនតាមក្រោយជាមិនខាន។

២.ផឹកទឹក១កែវ៖ ពេលភ្ញាក់ពេលព្រឹកឡើង ការផឹកទឹក១កែវគឺជារឿងមួយសំខាន់ដូចគ្នា​ ការផឹកទឹកអាចជួយសម្រួលដល់ប្រព័ន្ធឈាមរត់ បេះដូង សរសៃឈាមខួរក្បាល ក្រពះពោះវៀនឱ្យ បើកដំណើរការឡើងវិញ បន្ទាប់ពី ក្រពះអត់អាហារអត់ទឹកតាំងពីយប់មក។

៣.ញុំាអាហារពេលព្រឹកទាន់ពេល៖ ការញុំាអាហារពេលព្រឹកឱ្យត្រឹមត្រូវតាម ម៉ោងបានកំណត់ជាពិសេសប្រភេទអាហារបែបសុខភាព មាន​បន្ថែផ្លែឈើជាដើម គឺល្អសម្រាប់សុខភាពក្រពះ ខួរក្បាល ព្រោះយើងបានដឹងហើយថា​ ការអត់អាហារពេលព្រឹកមនុស្សអាចប្រឈមជាមួយជំងឺច្រើនមុខណាស់ ប្រព័ន្ធការពាររាងកាយងាយនឹងចុះខ្សោយជំងឺងាយងវាយលុកមក។

៤.រៀបចំផែនការថ្ងៃថ្មី៖ ការរៀបចំផែការសម្រាប់ថ្ងៃថ្មីគឺជារឿងមួយដែល អ្នកត្រូវតែធ្វើដូចគ្នា ព្រោះ បើថ្ងៃថ្មីអ្នកមិនបានដឹងថាខ្លួងឯងត្រូវធ្វើអ្វីសោះ អ្នកប្រាកដជាវង្វេង ចាប់នេះខុសនោះខុស ចំណែកឯលទ្ធផលវិញក៏មិនបានល្អគបប្រសើរឡើយ។

៥.ហាត់ប្រាណ ៖ ជាប្រចាំថ្ងៃគួរតែបញ្ចូលទម្លាប់ហាត់ប្រាណ ដើម្បីពង្រឹងសុខភាព ទាំងរាងកាយនិងផ្លូវចិត្ត ការហាត់ប្រាណអាចជួយកម្ចាត់ស្រ្តេសបានច្រើនខ្លាំង ណាស់ ការពារជំងឺក៏ច្រើនដូចគ្នា ជាទូទៅយើងសង្កេតឃើញថា អ្នកហាត់ប្រាណតែងមានរាងកាយរឹងមាំជាងអ្នកមិនហាត់ដូច្នេះទម្លាប់ហាត់ប្រាពនៅពេលព្រឹកគឺសំខាន់។

គូសបញ្ជាក់ឱ្យដឹងផងដែរថា​ ទម្លាប់តូចៗទាំង៤នេះ បើអ្នកតាំងចិត្តប្រព្រឹត្តធ្វើជាប្រចាំ ពេលព្រឹករបស់អ្នកប្រាកដជាអស្ចារ្យជាងអ្នកដទៃជាមិនខាន ព្រោះអ្នកមានគោលដៅ អ្នកបានចាប់ផ្ដើមក្រោកមិនធ្វើរឿងល្អៗមុនគេ នោះ លាបជ័យ ជោគជ័យក៏មុនគេដែរ៕

អត្ថបទដោយ៖ ប៉ែត ​ធីតា