ជំងឺប្រមេះទឹកបាយគឺជាជំងឺ ម្យ៉ាងដែលប្រឈមហានិភ័យខ្ពស់ ក្នុងកាឆ្លងពីដៃគូមួយទៅដៃគូមួយទៀតដោយមិនមានការពារប្រុងប្រយ័ត្ន ។យោងទៅតាម webmd.com បានឱ្យយើងពីមូលហេតុដែរបង្កឱ្យកើតជំងឺប្រមេះទឹកបាយនេះ ៖
មូលហេតុនៃជំងឺប្រមេះទឹកបាយ ៖ អ្នកអាចកើតជំងឺប្រមេះទឹកបាយគឺទាក់ទងផ្លូវភេទគ្រប់ប្រភេទ រួមទាំង៖
- ការរួមភេទតាមរន្ធគូថ
- ការរួមភេទតាមមាត់ (ទាំងការផ្តល់ និងទទួល)
- ការរួមភេទតាមទ្វារមាស
ដូចទៅនឹងមេរោគដទៃទៀតដែរ អ្នកអាចឆ្លងបាក់តេរីដែលបណ្តាលឱ្យកើតរោគប្រមេះបានដោយគ្រាន់តែប៉ះកន្លែងដែលមានមេរោគលើមនុស្សម្នាក់ទៀត។ ប្រសិនបើអ្នកប៉ះ ប្រដាប់ ភេទ ទ្វារមាស មាត់ ឬ រន្ធគូថ របស់អ្នកដែលមានជំងឺប្រមេះទឹកបាយ អ្នកអាចឆ្លងវាបាន ។
កត្តាហានិភ័យនៃជំងឺប្រមេះទឹកបាយ ៖ ហានិភ័យនៃជំងឺប្រមេះទឹកបាយរបស់អ្នកគឺខ្ពស់ជាងប្រសិនបើអ្នក៖
- រួមភេទនៅក្មេងពេក
- កំពុង រួមភេទ ជាមួយដៃគូថ្មី។
- រួមភេទជាមួយអ្នកដែលកំពុងរួមភេទជាមួយអ្នកដទៃ
- មានដៃគូរួមភេទច្រើន
- ធ្លាប់មានរោគប្រមេះពីមុនមក
- ធ្លាប់ឆ្លងជំងឺកាមរោគផ្សេងៗ
ការបង្ការរោគប្រមេះ
ដើម្បីការពារខ្លួនអ្នកពីជំងឺប្រមេះទឹកបាយ៖
-ប្រើ ស្រោមអនាម័យ ៖ វាដើរតួជារបាំងការពារ និងការពារបាក់តេរីមិនឱ្យឆ្លងទៅអ្នកបាន ថ្នាំសំលាប់មេជីវិតឈ្មោល នឹងមិនការពារអ្នកពីការកើតរោគប្រមេះទេ។
-ឱ្យដៃគូរួមភេទរបស់អ្នកធ្វើតេស្ត៖ សួរពួកគេថាតើពួកគេបានពិនិត្យរករោគប្រមេះហើយឬនៅ ប្រសិនបើពួកគេមិនទាន់មានទេ ចូរនិយាយបញ្ចុះបញ្ចូលឱ្យពួកគេយលអំពីការធ្វើតេស្តនេះ។
-កុំរួមភេទជាមួយ អ្នកដែលមានរោគសញ្ញានៃជំងឺប្រមេះទឹកបាយ៖ តើដៃគូររបស់អ្នកបានត្អូញត្អែរពីអារម្មណ៍ថាពិបាកនៅពេលកំពុងនោម ឬឈឺនៅតំបន់ប្រដាប់ភេទរបស់ពួកគេដែរឬទេ? សម្រាកពីសកម្មភាពផ្លូវភេទ រហូតទាល់តែពួកគេពិនិត្យរោគសញ្ញា (ហើយអ្នកគួរតែពិនិត្យផងដែរ)។
- ធ្វើតេស្តរករោគប្រមេះម្តងក្នុងមួយឆ្នាំ ប្រសិនបើអ្នក៖
- បុរសដែលរួមភេទជាមួយបុរស
- ស្ត្រីសកម្មផ្លូវភេទអាយុក្រោម ២៥ ឆ្នាំ។
- ស្ត្រីដែលមានដៃគូរួមភេទថ្មី ដៃគូច្រើន ឬដៃគូដែលមានជំងឺកាមរោគ
ផលវិបាកនៃរោគប្រមេះ ៖ យោងតាមប្រសាសន៍របស់លោកវេជ្ជបណ្ឌិត ប្រាក់ ណារុំ បានបញ្ជាក់ថាប្រសិនបើអ្នកមិនបានទទួលការព្យាបាលទេ ជំងឺប្រមេះទឹកបាយអាចបណ្តាលឱ្យមានបញ្ហាធ្ងន់ធ្ងរ និងយូរអង្វែង រួមមានៈ
- បង្កើនឱកាសនៃការ ឆ្លងមេរោគអេដស៍
- ការឆ្លងមេរោគនៅផ្នែកផ្សេងទៀតនៃរាងកាយរបស់អ្នក ដូចជាស្បែក ឬសន្លាក់របស់អ្នក
- ភាពគ្មានកូន
ចូលអានអត្ថបទនេះ http://healthy-cambodia.com/article/gonorrhea-disease
ប្រភព webmd.com
អត្ថបទដោយ ៖ ជុជ ណាឃីម