ប្រភេទអាហារ Carbohydrates ត្រូវបានគេមើលឃើញថា ជាប្រភេទអាហារដែលធ្វើឲ្យមនុស្សយើងឡើងទម្ងន់ នៅខណៈពេលរាងកាយត្រូវការវាដើម្បីប្រើប្រាស់ជាថាមពល ។

អាហារដែលជាប្រភេទ simple carbohydrates និង complex carbohydrates ជាប្រភេទអាហារដ៏មានសារៈសំខាន់សម្រាប់តុល្យភាពរបបអាហារ និងបានផ្ដល់ថាមពល និងសារធាតុចិញ្ចឹមដល់ការលូតលាស់រាងកាយទៀតផង ។

យោងតាមគេហទំព័រ www.insider.com ប្រភេទអាហារ carbohydrates ត្រូវបានកើតឡើងដោយ ម៉ូលេគុលស្ក ប៉ុន្តែវាមិនដូចគ្នាទាំងស្រុងនោះទេ ។ ពួកវាមានរូបរាងសណ្ឋានបីប្រភេទខុសៗគ្នា ៖   

១) Carbohydrates Sugar៖ សង្កេតឃើញមាននៅក្នុង ផ្លែឈើ បន្លែ ស្ក និង អាហារប្រើប្រាស់ប្រចាំថ្ងៃ ។​

២) Carbohydrates Starch៖ សង្កេតឃើញនៅក្នុងបន្លែ គ្រាប់ធញ្ញជាតិ(មានពន្លក) និង គ្រាប់សណ្ដែកជាដើម ។

៣) Carbohydrates Fiber៖ សង្កេតឃើញមាននៅក្នុងផ្លែឈើ បន្លែ  គ្រាប់ធញ្ញជាតិ(ទាំងមូល) និងគ្រាប់សណ្ដែក ។

គ្មានប្រភេទអាហារ Carbohydrates ណាល្អ ឬអាក្រក់នោះទេ អ្វីដែលសំខាន់ គឺស្ថិតនៅលើ ថាតើវាងាយស្រួល និងលឿនយ៉ាងណាដើម្បីរំលាយ ។

Simple Carbohydrates ៖ ដូចជាទឹកផ្លែឈើ និង អាហារម្សៅជាដើម មានលក្ខណៈងាយស្រួលក្នុងការរំលាយ ។ ករណីនេះវាធ្វើឲ្យអ្នកប្រឈមមុខ ក្នុងការឡើងទម្ងន់ និងកើតជម្ងឺទឹកនោមផ្អែមប្រភេទទីពីរផងដែរ ។​

Complex Carbohydrates៖ អាហារដែលមិនទាន់របៀបចំ(នៅលក្ខណៈធម្មជាតិនៅឡើយ) និងរក្សាជាតិសរសៃបែបធម្មជាតិ ដែលធ្វើឲ្យមានការរំលាយមានសភាពយឺតៗ និងធ្វើឲ្យកំរិតជាតិស្កក្នុងចរន្ដឈាមមានលក្ខណៈសមស្របទៀតផង ។​

ដើម្បីទទួលបានសុខភាពល្អ លោកអ្នកគប្បីជ្រើសរើសអាហារដែលមានជាតិស្កក្នុងកំរិតទាប និងប្រើប្រាស់របៀបចំអិនឲ្យបានត្រឹមត្រូវផងដែរ ៕

អត្ថបទដោយ៖ លោកគ្រូពេទ្យ ហួ ភារ៉ា