១. ការធ្វើលំហាត់ប្រាណពេលព្រឹកជួយរាងកាយដុតរំលាយជាតិខ្លាញ់ចេញពីក្នុងខ្លួន ឱ្យអ្នកស្រកគីឡូ។ មានការសិក្សាមួយបានបង្ហាញថា អ្នកធ្វើលំហាត់ប្រាណពេលព្រឹកបានដុតខ្លាញ់ចំនួន ១៩០កាឡូរីបន្ថែមក្នុងរយៈពេល ១៤ ម៉ោងក្រោយមក។ បើអ្នកចង់មានរាងស្លឹមដាក់វិន័យលើខ្លួនហាត់ប្រាណពេលព្រឹក។

២. ហាត់ប្រាណពេលព្រឹកធ្វើឱ្យអារម្មណ៍រីករាយ មានក្តីសុខ។ អ្នកត្រូវដាក់វិន័យលើខ្លួនឯងក្នុងការលំហាត់ប្រាណពេលព្រឹកដើម្បីឱ្យស្មារតីរបស់អ្នកមានសមត្ថភាពផ្តោតលើការងារបានមុខស្រួច មានលទ្ធផលកើន។ តាមលោក Jim Rohn ជានិពន្ធដ៏ល្បីបានលើកឡើងថា“អ្នកឈ្នះកើតពីមានវិន័យប្រចាំថ្ងៃ” បើអ្នកសម្រេចចិត្តធ្វើលំហាត់ប្រាណពេលព្រឹក អ្នកកាន់តែអារម្មណ៍រីករាយជាមួយខ្លួនឯង។

៣.​ ការហាត់ប្រាណពេលព្រឹកដាស់ថាមពលផ្លូវចិត្តឱ្យរឹងមាំ។ ការហាត់ប្រាណពេលព្រឹកជាដាស់រាងកាយ ដាស់គំនិតឱ្យស្វាងពីងងុយគេង។ ចលនាធ្វើលំហាត់ប្រាណជួយពង្រឹងសមត្ថភាពចិត្តគំនិតរបស់អ្នកកាន់តែផ្តោតអារម្មណ៍ពេញមួយថ្ងៃ មិនងាយធ្លាក់ទឹកចិត្តនោះទេ។

៤.ការហាត់ប្រាណពេលព្រឹកជួយអ្នកឱ្យមានវិន័យរឹងមាំដោយខ្លួនឯង។ ទោះបីអ្នកចង់មានការភិវឌ្ឍផ្នែកណាមួយ នៃជីវិតនេះ អ្នកត្រូវតែមានវិន័យដើម្បីសមត្ថភាពលូតលាស់។ លោក Stephen R. Covey ជាអ្នកចិត្តសាស្រ្តបានលើកឡើងថា “អ្នកត្រូវដឹកនាំជីវិតរបស់អ្នកដោយគោលការណ៍ មិនមែនតាមអារម្មណ៍នោះទេ។” ពេលអ្នកបង្កើតទម្លាប់ហាត់ប្រាណពេលព្រឹកជាប្រចាំ អ្នកនឹងមានថាមពលក្នុងខ្លួនខ្លាំងជាងមុន។

៥. ការលំហាត់ប្រាណពេលព្រឹក សល់ពេលចុងក្រោយប្រើជីវិតឱ្យមានន័យមានតម្លៃបំផុត។ ការហាត់ប្រាណពេលជួយឱ្យសុខភាពអ្នកល្អ គ្មានអ្នកមា្នក់ធ្វើការងារបានល្អទេ បើគេមានជំងឺនោះ។ មានសុភាសិតមួយបាននិយាយថា បើអ្នកមិនយកពេលខ្លះ ធ្វើលំហាត់ប្រាណទេ អ្នកនឹងមើលថែជំងឺ ពេលចុងក្រោយនៃជីវិតអ្នក៕ អត្ថបទដោយ៖ ទ្រ សុភាព