ពេលព្រឹកជាអាហារសំខាន់ណាស់សម្រាប់សុខភាព។ ជាពិសេសអ្នកចង់សម្រកគីឡូ និងការពារជំងឺផ្សេងៗ ការញ៉ាំស៊ុតពេលព្រឹកមានអត្ថប្រយោជន៍ល្អបំផុត។ ព្រោះស៊ុតជាស្តេចអាហារនិយមសម្បូរទៅដោយសារជាតិជាតិដែក ស័ង្កសី និងផូស្វ័រ ហើយថែមទាំង មាននូវសារធាតុរ៉ែ និងផ្ទុកនូវវិតាមីន A D E K ក៏ដូចជាផ្នែកមួយនៃវិតាមីនB ដែលមានសារៈសំខាន់ សម្រាប់សុខភាពរាងកាយទាំងមូល។ ហូបស៊ុតពេលព្រឹកការពារជំងឺទាំង ៤នេះ៖
១. ញ៉ាំស៊ុតជួយការពារប្រឆាំងនឹងជំងឺមហារីក។ ការបរិភោគស៊ុតអាចការពារប្រឆាំង នឹងជំងឺមហារីកមួយចំនួន ព្រោះស៊ុតសំបូរទៅដោយសារធាតុប្រឆាំងនឹងអុកស៊ីតកម្ម។ លើសពីនេះទៀតស៊ុតគឺជាប្រភព អាហារដ៏ល្អនៃសារជាតិស័ង្កសីដែលចាំបាច់សម្រាប់ប្រព័ន្ធភាពស៊ាំ។
២. ញ៉ាំស៊ុតល្អសម្រាប់សុខភាពខួរក្បាល និងការពារជំងឺបេះដូង។ ស៊ុតជាប្រភពនៃសារធាតុ Choline ដែលមានសារសំខាន់សម្រាប់សុខភាពខួរក្បាល និងប្រព័ន្ធសរសៃប្រសាទ។ ការទទួលទានស៊ុតក្នុងកម្រិតមធ្យមពេលព្រឹកអាចទ្រទ្រង់សុខភាពបេះដូង។ នេះដោយសារតែអាស៊ីតខ្លាញ់អូមេហ្គា3 នៅក្នុងស៊ុតអាចជួយកាត់បន្ថយការរលាក និងធ្វើឱ្យសុខភាពបេះដូងប្រសើរឡើង។ ហើយសារជាតិ selenium នៅក្នុងស៊ុតជួយ ការពារការកកឈាម ជំងឺដាច់សរសៃឈាមខួរក្បាល និងគាំងបេះដូង។
៣. បើអ្នកចង់ឱ្យឆ្អឹងរឹងមាំដល់ចាស់ និងការពារមហារីកឆ្អឹង ហូបស៊ុតពេលព្រឹកល្អបំផុត។ ព្រោះស៊ុតជាប្រភពដ៏ល្អនៃវីតាមីន D មានសារៈសំខាន់សម្រាប់ការស្រូបយកជាតិកាល់ស្យូម និងជំរុញការពង្រឹងមុខងារឆ្អឹងឱ្យកាន់តែរឹងមាំ។ ហើយវាក៏មានផ្ទុកនូវសារជាតិផូស្វ័រផងដែរ ដែលមានសារៈសំខាន់សម្រាប់ពង្រឹងកំហាប់ឆ្អឹងឱ្យតាន់។
៤. ញ៉ាំពេលព្រឹកស៊ុតជួយភ្នែក។ សារជាតិlutein មាននៅក្នុងស៊ុតជាច្រើនដែលជាប្រភពដ៏ល្អសម្រាប់ដល់សុខភាពភ្នែក។ ការទទួលទានស៊ុតមួយក្នុងមួយថ្ងៃអាចជួយការពារការចុះខ្សោយនៃភ្នែកដែលជាមូលហេតុធំបំផុតនៃការងងឺតភ្នែកចំពោះអ្នកមានវ័យចំណាស់ និងអ្នកមាន ជំងឺភ្នែកឡើងបាយបានល្អបំផុត៕ អត្ថបទដោយ៖ ទ្រ សុភាព