សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានចេញបញ្ជាឱ្យរឹតបន្តឹងការត្រួតពិនិត្យយ៉ាងតឹងរ៉ឹងលើការនាំចូលបន្លែ សាច់ និងការប្រើប្រាស់សារធាតុគីមីក្នុងអាហារ ដើម្បីកាត់បន្ថយការកើតជំងឺមហារីក... ព្រោះជារៀងរាល់ឆ្នាំកម្ពុជាមានអ្នកកើតជំងឺមហារីកថ្មីប្រមាណ ២០,០០០ករណី និងមានអ្នកស្លាប់ប្រមាណ ១៤,០០០នាក់ ដែលស្មើនឹងមនុស្សម្នាក់ស្លាប់រៀងរាល់ ៤០នាទី ឬ ៣៨នាក់ក្នុងមួយថ្ងៃ”។ នេះជាសញ្ញាគ្រោះថ្នាក់ខ្លាំងណាស់ បើអ្នកមិនការពារខ្លួនពីជំងឺមហារីកទេនោះ។
កត្តាជំងឺមហារីកកើតមានច្រើនដូចជាហូបអាហារប្រៃ ផ្អែម និងខ្លាញ់លើសកម្រិត។ ហើយមានកត្តាហ្សែន និងខ្វះទម្លាប់លំហាត់ប្រាណជាប្រចាំថ្ងៃ។ មានផ្លែឈើមួយដែលមានសមត្ថភាពការពារជំងឺមហារីកល្អគឺផ្លែប៉ោម។
យោងតាមគេហ័ទំព័រសុខភាពអន្តរជាតិ National Institutes of Health បានចុះផ្សាយថា ផ្លែប៉ោមមានសារធាតុ polyphenol phloretin មានសមត្ថភាពជួយរារាំងការលូតលាស់កោសិកាមហារីកឈានមុនគេលំដាប់ទី២។ ក្រុមសារធាតុ phloretin អាចជម្រុញឱ្យមានការចាប់ខ្លួនកោសិកាក្នុងដំណាក់កាល G0/G1 ឱ្យស្លាប់កោសិកា apoptotic ដើម្បីការពារហានិភ័យទាបចំពោះជំងឺមហារីកសុដន់។
ការញ៉ាំផ្លែប៉ោមជាប្រចាំថ្ងៃ ១ផ្លែ ១ថ្ងៃជួយកម្ចាត់ជាតិស្ករក្នុងសរសៃឈាម កាត់បន្ថយសម្ពាធឈាម កាត់បន្ថយហានិភ័យជំងឺដាច់សរសៃឈាមខួរក្បាល និងការពារការខូចខាតកោសិកាពីរ៉ាឌីកាល់សេរី។ ហើយជាពិសេសជួយប្រឆាំងនឹងជំងឺមហារីកដទៃផ្សេងរួមមានមហារីកសុដន់ ថ្លើម ពោះវៀន និងក្រពេញប្រូស្តាតជាដើម។ ពេលព្រឹកជាពេលអ្នកហូបផ្លែប៉ោមមានគុណភាពដល់សុខភាពជួយប្រឆាំងជំងឺមហារីកបានល្អបំផុត។ ព្រោះផ្លែប៉ោមមានសារធាតុសរសៃប៉ិចទីន (Pectin) ជាសារធាតុស្ករងាយរលាយជួយសម្រួលពោះវៀន និងបង្ការអាការៈទល់លាមក។ ហើយមានសមត្ថភាពជួយលុបបំបាត់នូវសារធាតុដែលបង្កជំងឺមហារីកផងដែរ៕ អត្ថបទដោយ៖ ទ្រ សុភាព