សណ្ដែកមានអត្ថប្រយោជន៏ជាច្រើនដូចជា កាល់សូ្យម ប៉ូតាស្យូម ជាតិខ្លាញ់ ជាតិដែក ...និងវីតាមីនជាច្រើនទៀតដែលផ្ដល់ឲ្យរាងកាយរបស់យើងទទួលបាននូវសុខភាពល្អ។ ហើយសម្រាប់ទឹកសណ្ដែកដែលធ្វើពីសណ្ដែស្រស់ ក៏ផ្ដល់អត្ថប្រយោជន៍ខ្ពស់ដល់រាងកាយផងដែរ។ ហើយវាអាចជួយការពារយើងពីជំងឺបានយ៉ាងល្អ តើសណ្តែកមានអត្ថប្រយោជន៍អ្វីខ្លះ?

១. ការពាររោគសញ្ញាក្រោយអស់រដូវ

ក្នុងអំឡុងពេលអស់រដូវការផលិតអ័រម៉ូនអ៊ីស្ត្រូសែនធម្មជាតិរបស់ស្ត្រី ដែលធ្លាក់ចុះដល់កម្រិតអប្បបរមា។ ហើយជួយកាត់បន្ថយភ្លាមៗ អរម៉ូនអ៊ីស្ត្រូសែន ដើម្បីបង្កើតឱ្យមានបញ្ហាសុខភាពមួយចំនួនសម្រាប់ស្ត្រីក្រោយអស់រដូវដូចជា ជំងឺបេះដូង ជំងឺទឹកនោមផ្អែម ជំងឺធាត់ ងាយនឹងធ្លាក់ទឹកចិត្ត នាំឲ្យផ្លាស់ប្តូរអារម្មណ៍គេងមិនលក់ និងជំងឺផ្លូវចិត្តផ្សេងទៀត។ សារធាតុ phytoestrogen គឺមាននៅក្នុងសណ្តែក ជាការជំនួសអ័រម៉ូនអ៊ីស្ត្រូសែន ដែលមានប្រសិទ្ធភាពដើម្បីការពារ និងកាត់បន្ថយរោគសញ្ញាក្រោយពេលអស់រដូវ។

២. ការពារជំងឺពុកឆ្អឹង

ជំងឺពុកឆ្អឹងគឺជាជំងឺមួយទៀត ដែលទាក់ទងនឹងអាយុ និងអរម៉ូន។ សារធាតុ phytoestrogen នៅក្នុងសណ្តែកអាចជួយពន្លឿនការស្រូបយកជាតិកាល់ស្យូមដោយរាងកាយរបស់អ្នក និងការពារការបាត់បង់ឆ្អឹង ដើម្បីទទួលបានអត្ថប្រយោជន៍ច្រើនត្រូវប្រាកដថា ទឹកសណ្តែកនោះសម្បូរដោយជាតិកាល់ស្យូម និងវីតាមីនឌីខ្ពស់ ក្នុងការចិញ្ចឹមរាងការ និងការពារជំងឺមហារីកផងដែរ។

៣. ការពារជំងឺមហារីកក្រពេញប្រូស្តាត

ទឹកសណ្តែកសៀង គឺជាប្រភពដ៏សម្បូរទៅដោយសារធាតុ phytoestrogen ដែលជាអរម៉ូនរុក្ខជាតិតែមួយគត់ ដែលជួយទប់ស្កាត់ការផលិតអ័រម៉ូនតេស្តូស្តេរ៉ូនរបស់បុរស។ ការថយចុះកម្រិតតេស្តូស្តេរ៉ូនអាចកាត់បន្ថយហានិភ័យនៃជំងឺមហារីកក្រពេញប្រូស្តាតបានយ៉ាងល្អ។ ការសិក្សាបានបង្ហាញថា បុរសដែលបរិភោគសណ្តែកហាក់ដូចជាមិនសូវកើតជំងឺមហារីកក្រពេញប្រូស្តាតទេ។

៤. ធ្វើឲ្យសរសៃឈាមប្រសើរឡើង

សណ្តែកសៀងមានជាតិអាស៊ីតខ្លាញ់អូមេហ្គា ៣ និងអូមេហ្គា ៦ ក៏ដូចជា phyto-antioxidants ដែលមាននៅក្នុងសណ្តែកសៀង ដែលអាចការពារសរសៃឈាមរបស់អ្នកពីដំបៅ និងជំងឺឬសដូងបាតបានយ៉ាងមានប្រសិទ្ធភាព។ ហើយសមាសធាតុខាងលើនេះធ្វើឲ្យសរសៃមានដំណើរការបានល្អ និងជួយកាត់បន្ថយការលើសសម្ពាធឈាម និងកម្ចាត់កូលេស្ដេរ៉ុលអាក្រក់។

ប្រសិនបើអ្នកចង់ទទួលបានសុខភាពល្អ និងចៀសឆ្ងាយពីជំងឺខាងលើអ្នកអាចធ្វើការទទួលទានសណ្ដែកជាប្រចាំហើយសូមធ្វើលំហាត់ប្រាណជារៀងរាល់ដើម្បីឲ្យសុខភាពកាន់តែរឹងមាំបន្ថែមទៀត៕

អត្ថបទដោយ៖ ភី សៅឌី