១. អ្នកចេះតែមានអារម្មណ៍ថាខ្លួនអស់កម្លាំងខុសពីធម្មតា ទោះបីជាការសម្រាកបានគ្រប់គ្រាន់ក៏ដោយ។ នេះជាសញ្ញាបញ្ជាក់ថា អ្នកកំពុងតែមានបញ្ហាខ្លាញ់រុំថ្លើម និងមានជាតិពុលក្នុងថ្លើម នាំឱ្យអ្នកចេះតែអស់កម្លាំង។

២. ការ​ប្រមូលផ្តុំ​ជាតិ​ខ្លាញ់​ច្រើន​នៅ​ត្រង់ក្បាលពោះ​​ជា​សញ្ញា​ព្រមាន​នៃ​ជំងឺ​ខ្លាញ់រុំថ្លើមផងដែរ​។ កត្តាធាត់អាចបង្ហាញពីមុខងារថ្លើមខ្សោយជារឿយៗ មានការទាក់ទងជាមួយទឹកនោមផ្អែម។ ការ​គ្រប់​គ្រង​ទម្ងន់​តាម​រយៈ​របប​អាហារ និងការហាត់ប្រាណជួយការពារខ្លាញ់​ក្នុង​ថ្លើម។

៣. ស្បែកខ្មៅឡើងងងឹតជាពិសេសនៅផ្នត់ក និងក្លៀក អាចជាសញ្ញាព្រមានថា អ្នកកំពុងតែជំងឺខ្លាញ់រំថ្លើមហើយ។ នៅក្នុងស្ថានភាពនេះអាចបណ្តាលមកពីអាំងស៊ុយលីនអ្នកចុះខ្សោយនាំឱ្យអ្នកកើនជាតិខ្លាញ់និងស្ករ។

៤. ការកើនឡើងកម្រិតទ្រីគ្លីសេរីដជាញឹកញាប់ត្រូវបានរកឃើញនៅក្នុងការធ្វើតេស្តឈាមបានផ្សារភ្ជាប់ជាមួយនឹងជំងឺខ្លាញ់រុំថ្លើម និងរោគសញ្ញាមេតាបូលីស។

៥. អ្នកដែលមានជំងឺខ្លាញ់រុំថ្លើមអាចពិបាកក្នុងការសម្រកទម្ងន់ ទោះបីជារបបអាហារមានសុខភាពល្អ និងទម្លាប់ហាត់ប្រាណក៏ដោយ ប៉ុន្តែខ្លាញ់ចេះតែកើន។ ជំងឺខ្លាញ់រុំថ្លើមធ្វើឱ្យខូចសមត្ថភាពថ្លើមក្នុងការបំបែកជាតិខ្លាញ់ និងគ្រប់គ្រងអ័រម៉ូន ធ្វើឱ្យការសម្រកទម្ងន់កាន់តែពិបាក។

៦.សញ្ញាច្បាស់លាស់ជំងឺខ្លាញ់រុំថ្លើមគឺការធ្វើតេស្តមុខងារថ្លើមតែម្តង។ ការពិនិត្យសុខភាពជាទៀងទាត់ និងការត្រួតពិនិត្យសុខភាពទាន់ពេលវេលា ឱ្យអ្នកដឹងពីស្ថានភាពរាងកាយនិងជំងឺ ដើម្បីរកឃើញសញ្ញាដំបូង។

ដូចនេះ! វេជ្ជបណ្ឌិតអាចណែនាំអំពីវិធានការដូចជា ការសម្រកទម្ងន់ ការកែលម្អអាហារូបត្ថម្ភ និងការព្យាបាលបែបវេជ្ជសាស្រ្តដើម្បីការពារការវិវត្តទៅជាជំងឺក្រិនថ្លើម ឬខ្សោយថ្លើម។ ចូលអ្នកធ្វើការផ្លាស់ប្តូររបៀបរស់នៅដូចជាការកែលម្អរបបអាហារ ការសម្រាកឱ្យបានគ្រប់គ្រាន់ និងលំហាត់ប្រាណកម្រិតមធ្យមជួយកាត់បន្ថយជាតិខ្លាញ់រំថ្លើមមានប្រសិទ្ធភាពបំផុត៕ អត្ថបទដោយ៖ ទ្រ សុភាព