ការប្រែប្រួលស្ថានភាពពណ៌ក្រចកនៃម្រាមដៃ ឬម្រាមជើង មិនត្រឹមតែប៉ះពាល់ដល់សុខភាពសម្រល់ នោះទេ ថែមទាំងអាចបញ្ជាក់នូវបញ្ហាសុខភាពទូទៅផ្នែកខាងក្នុងនៃរាងកាយ ដែលចាំបាច់បំផុតត្រូវ យកចិត្តទុកដាក់ជាបន្ទាន់។ ក្រចកប្រែទៅជាពណ៌លឿងអាចផ្សារភ្ជាប់ទៅនឹងលក្ខខណ្ឌ សា្ថនភាពនៃជំងឺដូចជា ជំងឺរលាកសន្លាក់រ៉ាំរ៉ៃ បញ្ហាលើប្រព័ន្ធនៃភាពស៊ាំនៃរាងកាយ បញ្ហានៅក្នុងថ្លើម ជំងឺបេះដូង និងជំងឺរលាកច្រមុះជាដើម។ កត្តាសំខាន់ៗដែលបណ្តាលឱ្យមានការប្រែប្រួលលើក្រចក មានដូចជា៖

ក្រចកស្លេក៖ ក្រចករបស់អ្នកមានសញ្ញាស្លេកខ្លាំងអាចបញ្ជាក់នៃជំងឺរួមមាន ភាពស្លេកស្លាំង ជំងឺស្លេកស្លាំង ជំងឺខ្សោយបេះដូង ជំងឺថ្លើម និងជំងឺកង្វះអាហារូបត្ថម្ភ។

ក្រចកពណ៌ស៖ ការបង្ហាញនូវសញ្ញាពណ៌សលើគែមខាងលើនៃក្រចកនេះអាចជាសញ្ញាបញ្ហាថ្លើម ដូចជាករណីនៃជំងឺថ្លើម។

ក្រចកពណ៌លឿង៖ មូលហេតុមួយក្នុងចំណោមមូលហេតុទូទៅបំផុតនៃក្រចកលឿងគឺជាការឆ្លង មេរោគពពួកផ្សិត។ កត្តានៃការបង្ករោគនេះកាន់តែអាក្រក់ទៅអាចធ្វើឱ្យក្រចកមានសភាពក្រាស់ ឬខូច។ ក្នុងករណីក្រចកពណ៌លឿងអាចបង្ហាញពីស្ថានភាពជំងឺដូចជា ភាពធ្ងន់ធ្ងនៃជំងឺក្រពេញទីរ៉ូអ៊ីត ជំងឺសួត ជំងឺទឹកនោមផ្អែម ឬជំងឺសើរស្បែក។

ក្រចកមានសភាពខៀវ៖ សភាពក្រចកដែលមានពណ៌ខៀវស្រងាត់អាចបង្ហាញថារាងកាយរបស់អ្នក ទទួលអុកស៊ីសែនមិនបានគ្រប់គ្រាន់ នេះអាចបង្ហាញពីបញ្ហារបស់សួត ដូចជាជំងឺសួតជាដើម។ ចំពោះករណីលើបញ្ហាបេះដូងអាចត្រូវផ្សារភ្ជាប់ជាមួយនឹងក្រចកពណ៌ស។

ក្រចកមានសភាពជ្រួញ ឬអង្កាញ់ៗ៖ សញ្ញាដំបូងនៃជំងឺស្បែក ឬរលាកសន្លាក់ នោះសភាពក្រចក របស់អ្នកនឹងមានសភាពអង្កាញ់ៗ ឬជ្រួញ។

ក្រចកមានសភាពប្រេះ៖ សភាពក្រចកស្ងួត និងផុយដែលជារឿយៗត្រូវបានផ្សារភ្ជាប់នឹង ជំងឺក្រពេញទីរ៉ូអ៊ីត។ ក្រចកដែលមានសភាពផុយស្រួយ ហើយថែមទាំងមានពណ៌លឿង អាចជាការបង្ហាញនូវការឆ្លងរោគពពួកផ្សិត។

សភាពស្បែកក្រហមជុំវិញក្រចក៖ ប្រសិនបើនៅជុំវិញក្រចកលេចឡើងនូវសភាពក្រហម និងហើម អាចបង្ហាញនូវការរលាកនៃក្រចក ដែលជាលទ្ធផលនៃជំងឺជាលិកា។

សញ្ញាខ្មៅនៅលើក្រចក៖ សញ្ញាបន្ទាត់ខ្មៅនៅក្រចករបស់ នេះជារោគសញ្ញាដែលអ្នកត្រូវយកចិត្តទុក ដាក់បំផុតតាមដែលអាចធ្វើបាន ជួនកាលសញ្ញានេះអាចបង្ហាញនូវជំងឺមហារីកស្បែក។

សញ្ញាដែលបង្ហាញនូវលើក្រចករបស់អ្នកអាចជាផ្នែកមួយនៃការផ្តល់នូវការធ្វើរោគវិនិច្ឆ័យ របស់គ្រូពេទ្យ ដើម្បីជាផ្នែកមួយនៃការរក្សាបាននូវសុខភាពល្អ ហើយជាការកំណត់នូវលក្ខខ័ណ្ឌនៃជំងឺ ដែលជាក់លាក់ទៅតាមស្ថានភាពរបស់អ្នក សូមធ្វើការពិនិត្យផ្ទាល់ជាមួយគ្រូពេទ្យជំនាញ។

អត្ថបទ៖ សែម សុធារី