១. ស្ពៃក្តោបមានសមាសធាតុដើរតួជាថ្នាំបញ្ចុះទឹកនោមលាងជាតិពុល។ ហើយស្ពៃក្តោបនេះមានអត្ថប្រយោជន៍សម្រាប់អ្នកមានបញ្ហាលើសឈាម និងជំងឺបេះដូងផងដែរ។ បន្លែនេះ​ជួយ​តម្រងនោម​កម្ចាត់​ជាតិពុល ការពារ​គ្រួស​ក្នុង​តម្រងនោមបានល្អបំផុត​។

២. អាហារមានជាតិម៉ាញ៉េស្យូមដែលមានមុខងារជួយតម្រងនោមឱ្យមានសុខភាពល្អ។ មានគ្រាប់ល្ពៅ ស្លឹកបៃតង តៅហ៊ូ និងផ្លែប័រជាប្រភពដ៏ល្អមានជាតិម៉ាញ៉េស្យូម។ បើរាងកាយអ្នកខ្វះសារធាតុជាតិម៉ាញ៉េស្យូមអាចបង្កើនហានិភ័យនៃគ្រួសក្នុងតម្រងនោម។

៣. អាហារសម្បូរសារធាតុប្រឆាំងអុកស៊ីតកម្មជួយការពាររ៉ាឌីកាល់សេរីអាចបំផ្លាញ់កោសិការនាំឱ្យកើតបញ្ហាសរសៃឈាម ជំងឺទឹកនោមផ្អែម និងមហារីកជាដើម។ សម្រាប់សារធាតុនេះមានសមត្ថភាពការពារតម្រងនោមលាងជាតិពុល។ អាហារដូចជាផ្លែប៊្លូបឺរី អង្ករសំរូប សណ្តែក ផ្លែក្រូច និងបន្លែបៃតងសម្បូរទៅដោយសារធាតុប្រឆាំងអុកស៊ីតកម្ម។

៤. ប្រេងអូលីវមានជាតិខ្លាញ់ដែលមានសុខភាពល្អជួយកាត់បន្ថយហានិភ័យគ្រួសក្នុងតម្រងនោម។ វាមានផ្ទុកសារធាតុ polyphenols ជាសារធាតុប្រឆាំងអុកស៊ីតកម្មដែលការពារកោសិកាពីការបំផ្លាញរ៉ាឌីកាល់សេរី។ វាមានលក្ខណៈសម្បត្តិប្រឆាំងនឹងការរលាក ហើយការរលាកគឺជាកត្តានៃជំងឺរ៉ាំរ៉ៃជាច្រើន៕