ភេសជ្ជៈ Matcha ជាម្សៅតែបៃតងកិនល្អិតចេញពីស្លឹកតែជប៉ុនដែលមានសារធាតុ chlorophyll និង L-theanine ។ វាមិនដូចជាតែបៃតងធម្មតានោះទេ ពេលផឹកម៉ាឆាមានរសជាតិផ្អែមស្រាល និងជូររាងចត់បន្តិច ហើយសម្បូរទៅដោយសារធាតុ polyphenols ដែលផ្តល់អត្ថប្រយោជន៍ដល់សុខភាពខួរក្បាលនិងស្បែកជាពិសេស។

ភេសជ្ជៈ Matcha មានផ្ទុកជាតិកាហ្វេអ៊ីន និងអាស៊ីតអាមីណូ theanine ដែលជួយបង្កើនការចងចាំ ដាស់ស្មារតីផ្តោតអារម្មណ៍បានល្អក្នុងការងារ។ ចំពោះសមាសធាតុ theanine នៅក្នុងភេសជ្ជៈម៉ាឆាមានឥទ្ធិពលដល់ការពារប្រព័ន្ធប្រសាទខួរក្បាល ជួយគ្រប់គ្រងភាពតានតឹង និងការថប់បារម្ភកុំឱ្យប៉ះពាល់ដល់ស្បែករបស់អ្នកឆាប់ចាស់។ ភេសជ្ជៈនេរួមបញ្ចូលគ្នាអាស៊ីតអាមីណូ និងសារធាតុ arginine ជាសារធាតុបញ្ជូនសរសៃប្រសាទមួយចំនួននៅក្នុងខួរក្បាលដូចជា serotonin, gamma-aminobutyric acid (GABA) បង្កើតអារម្មណ៍ឱ្យសម្រាកដោយចិត្តស្ងប់។

ភេសជ្ជៈ Matcha មានផ្ទុកសារធាតុ catechins (សមាសធាតុរុក្ខជាតិ) ដូចជា epigallocatechin gallate (EGCG) និង epigallocatechin (EGC) រួមជាមួយនឹងវីតាមីន C និង flavonoids ដែលប្រឆាំងរ៉ាឌីកាល់សេរីក្នុងរាងកាយការពារភាពចាស់ជាងវ័យ និងខួរក្បាលកុំភ្លេចច្រើនយ៉ាងមានប្រសិទ្ធភាព៕ អត្ថបទដោយ៖ ទ្រ សុភាព