ស្បែកដែលកំពុងតែកើតមុខច្រើន មិនថាមុខតូចមុនធំ មុនរលាក ឬមុនមិនរលាកនោះទេ ជាស្បែកមុខដែលទន់ខ្សោយត្រូវការការមើលថែយកចិត្តទុកដាក់យ៉ាងខ្លាំង។ ក្នុងអំឡុងពេលនោះប្រសិនជាអ្នកធ្វើរឿងអ្វីដែលប្រតិកម្មជាមួយស្បែក មុខនោះនឹងទៅជាខះ ខ្សោះ ពិបាកព្យាបាលមិនខាន។

ជាការពិតណាស់ លោកវេជ្ជបណ្ឌិត គីម ឌីយ៉ាណា ឯកទេសផ្នែកស្បែកនិងសម្រស់ ប្រចាំនៅគ្លីនិកស្បែក SkinMedics ធ្លាប់បានបញ្ជាក់ផងដែរថា អំឡុងពេលមុខកំពុងកើតមុនខ្លាំង

·   អ្នកត្រូវចៀសវាង កុំញ៉ាំស៊ុត ទឹកដោះគោស្រស់ អាហារមានជាតិផ្អែមខ្លាំង អាហារផ្ទុកជាតិខ្លាញ់ច្រើន និងគ្រឿងស្រវឹង ពីព្រោះអាហារទាំងនេះ ផ្ទុកទៅសារធាតុដែលជម្រុញឱ្យក្រពេញខ្លាញ់ផលិតខ្លាញ់កាន់តែច្រើន និងបង្កឱ្យកើតមុនកាន់តែច្រើននៅលើមុខផងដែរ។

·   កុំសម្រុកប្រើប្រាស់ផលិតផល ឬប្រើផលិតផលដូរម៉ូតតាមចិត្តអំឡុងពេលមុខកំពុងកើតមុនខ្លាំង ពីព្រោះស្បែកដែលកំពុងរលាកខ្លាំង គឺជាស្បែកទន់ខ្សោយ និងត្រូវការសម្រាក មិនទទួលយកផលិតផលដែលប្រឆាំងឬផលិតផលក្រាស់ៗនោះទេ៕