មនុស្សជាច្រើនខំព្យាយាមសម្រកគីឡូ បែបជាគ្មានផលអ្វីសោះ។ នាំឱ្យបាក់ទឹកចិត្ត អស់សង្ឃឹម និងគីឡូកាន់តែឡើងអាចមកពីខ្វះលំហាត់ប្រាណ របបអាហារមិនល្អ និងស្រ្តេសខ្លាំង។ បើអ្នកចង់សម្រកគីឡូ កុំធ្វើរឿង ៥នេះ៖
១. ហាមហូបអាហារពេលយប់៖ តាមលោកស្រី Cathy Posey ជាអ្នកជំនាញចំណីអាហារបានលើកឡើងថា ការញ៉ាំអាហារពេលល្ងាចដូចជាគ្មានបញ្ហាអ្វីទេ។ កត្តាមួយមានបញ្ហាដែលមនុស្សភាគច្រើនចេះតែឡើងគីឡូ មកពីទម្លាប់ហូបអាហារពេលយប់មុនចូលគេងនោះទេ។ ការហូបបែបនេះនាំកើនជាតិខ្លាញ់អំឡុងពេលគេងនោះឯង។ បើអ្នកឃ្លានខ្លាំង អ្នកគួរផឹកមួយកែវ និងហូបផ្លែឈើមួយចំហៀង ដើម្បីកាត់បន្ថយឃ្លានបានច្រើន។
២. ស្រ្តេសកើនគីឡូ៖ អ្នកតានតឹងច្រើន ច្រើនឡើងតែគីឡូ មកពីកម្រិតអរម៉ូនស្ត្រេសខ្ពស់ នាំរាងកាយរបស់្នកប្រមូលផ្តុំផ្ទុកជាតិខ្លាញ់លើសនៅត្រង់ក្បាលពោះ។ ពេលខ្លះ ភាពតានតឹងកើតឡើងពេលអ្នកខ្វះពេលវេលាមើលថែខ្លួនេងឱ្យបានល្អ។ តាមលោកស្រី Posey និយាយថា ការបំបាត់ភាពតឹងតែងក្នុងអារម្មណ៍ ធ្វើលំហាត់ប្រាណ សម្រាកឱ្យបានគ្រប់គ្រាន់ ហូបអាហារមានកាឡូរីទាប ទើបការសម្រកគីឡូរបស់អ្នកមានប្រសិទ្ធភាព។
៣ គេងមិនគ្រប់គ្រាន់ខ្លាញ់កាន់តែកើន៖ ការគេងឱ្យបាន ៧ទៅ ៨ម៉ោងក្នុងមួយយប់អាចជួយគ្រប់គ្រងចំណង់អាហារ និងអ័រម៉ូនកុំឱ្យមានអារម្មណ៍ឃ្លានអាហារប្រភេទខ្លាញ់ ស្ករ និងជាតិផ្អែម។ តាមលោកស្រី Posey និយាយថា "បើរាងកាយរបស់អ្នកមិនសម្រាកឱ្យបានគ្រប់ទេ ការសម្រកគីឡូក៏អស់សង្ឃឹមដែរ។ ទម្លាប់គេងមិនគ្រប់ប៉ះពាល់ដល់ស្ត្រេស ការគ្រប់គ្រងអរម៉ូន និងចង្វាក់មេតាបូលីស នាំកើនជាតិខ្លាញ់កាន់តែច្រើន។
៤. ជាតិផ្អែមច្រើន កើនជាតិខ្លាញ់៖ ជាតិស្ករពីធម្មជាតិក្នុងផ្លែប៉ោម ដំឡូង គឺល្អសម្រាប់អ្នក ប៉ុន្តែការញ៉ាំស្ករកែច្នៃបន្ថែមអាចធ្វើឱ្យអ្នកពិបាកសម្រកទម្ងន់។ ព្រោះវាបង្កើនហានិភ័យកើតជំងឺទឹកនោមផ្អែម និងជំងឺបេះដូង។ ការទទួលទានជាតិស្ករច្រើនបង្កើនខ្លាញ់ក្បាលពោះ និងកើនជាតិខ្លាញ់រុំថ្លើមថែមទៀត។
៥. ហាត់ប្រាណមិនគ្រប់ មិនស្រកគីឡូទេ៖ អំឡុងពេលអ្នកខំប្រឹងស្រកគីឡូ ប៉ុន្តែខ្វះលំហាត់ប្រាណ ម្តងហាត់ម្តងអត់ ធ្វើឱ្យរាងកាយរបស់អ្នកគ្មានសមត្ថភាពបំបែកជាតិខ្លាញ់នោះទេ។ ហាត់ប្រាណជាប្រចាំថ្ងៃ មួយថ្ងៃ ២០ទៅ៣០នាទី ទើបខ្លាញ់របស់អ្នករលាយ ហើយអ្នកមានរាងស្អាតតាមបំណងប្រាថ្នា៕ អត្ថបទដោយ៖ ទ្រ សុភាព