ពេលព្រឹកអ្នកពិបាកក្រោក មានអារម្មណ៍ឈឺក្បាល និងស្មុគច្រើន ព្រោះពេលយប់អ្នកគេងមិនស្ងប់។ ជាការពិតណាស់ការគេងជាឱសថបំប៉នខួរក្បាលដ៏មានប្រសិទ្ធភាព ហើយវាពាក់ព័ន្ធគ្នាជាមួយទម្លាប់ដែលយើងមានជាប្រចាំថ្ងៃ។ ដូច្នេះ! អ្នកត្រូវការទម្លាប់ខ្លាំងដាស់អារម្មណ៍ក្រោកចេញពីគ្រែហើយមានក្តីសុខ៖
១. បើអ្នករវល់មើលទូរទស្សន៍ឬលេងអ៊ីនធឺណិតច្រើនធ្វើឱ្យគុណភាពការគេងរបស់អ្នកមិនស្ងប់នោះទេ។ ការកំណត់ម៉ោងគេងតាមកាលវិភាគជួយឱ្យអ្នកឆាប់ក្រោកមានអារម្មណ៍ធ្វើជាម្ចាស់លើខ្លួនឯង។ ពេលអ្នកមានទម្លាប់ចូលគេងម៉ោង ១០ឬ១១យប់ ជាប្រចាំនោះ ខួរក្បាលរបស់អ្នកនឹងដាស់អ្នកឱ្យភ្ញាក់ហើយមានអារម្មណ៍រីករាយផងដែរ។
២. ពេលអ្នកមានក្តីស្រមៃដើម្បីសម្រេចអ្វីមួយនោះ អ្នកនឹងមានថាមពលឆាប់ក្រោកចេញពីគ្រែដោយមិនបាច់មានគេដាស់។ ហៅថា ក្តីស្រមៃដាស់អ្នកឱ្យភ្ញាក់ចេញពីគ្រៃគេងមិនខានទេ។ ពេលអ្នកបើកភ្នែកចូលគិតដល់គោលដៅធំ ហើយស្រមៃថាវានឹងកើតចេញជារូបរាង ដោយផ្តើមចេញពីការងើបពីគ្រែគេងនៅពេលព្រឹកនេះ។
៣. សព្វថ្ងៃនេះ បើសមត្ថភាពរបស់អ្នកលូតយឺត អ្នកមិនអាចប្រកួតប្រជែងជាមួយអ្នកដទៃឈ្នះនោះទេ។ ដូច្នេះហើយ! អ្នកត្រូវអភិវឌ្ឍន៍សមត្ថភាពជារៀងរាល់ព្រឹកតាមរយៈធ្វើការងារ តាមរយៈការស្តាប់ពីអ្នកជំនាញឱ្យចំគោលដៅរបស់អ្នក រៀនពីមនុស្សជុំវិញ និងអាចសៀវភៅជាដើម ដើម្បីមានគំនិតមានសមត្ថភាពខ្លាំងជាងមុន។
៤. តាមលោក Hal Elord បានលើកឡើងថា អ្នកត្រូវធ្វើការហាត់ប្រាណដើម្បីឱ្យឈាមក្នុងខ្លួនរបស់អ្នករត់ល្អ និងធ្វើឱ្យអ្នកមានអារម្មណ៍ស្រស់ថ្លាមុននឹងចាប់ផ្ដើមថ្ងៃថ្មី។ អ្នកអាចជ្រើសរើសនូវប្រភេទលំហាត់ប្រាណផ្សេងៗដែលអ្នកចូលចិត្ត ដើម្បីឱ្យអ្នកមានអារម្មណ៍ល្អក្នុងការធ្វើវា និងមិនមានភាពធុញទ្រាន់។
៥. បន្ទាប់ពីហាត់ប្រាណហើយ អ្នកត្រូវចាប់ផ្ដើមអាន។ អ្នកអាចអាននូវសៀវភៅផ្សេងៗដែលអ្នកចូលចិត្ត និងត្រូវជាមួយនឹងគោលដៅដែលអ្នកចង់សម្រេចបាន។ សម្រាប់អ្នកថ្មីៗដែលមិនសូវចូលចិត្តការអាន លោកផ្ដល់ជាយោបល់ថាគួរតែធ្វើការប្ដេជ្ញាចិត្តដាក់គោលដៅអានឱ្យបានយ៉ាងហោចណាស់ ១០ទំព័រឡើងដែរ ឬនិយាយមួយបែបទៀតអានយ៉ាងតិច ៣០នាទីជាប្រចាំ។ ពីសៀវភៅThe Miracle Morning និពន្ធដោយលោក Hal Elord ៕ អត្ថបទដោយ៖ ទ្រ សុភាព