យោងតាមវេបសាយ Frisco Fresh Market បានណែនាំរបបអាហារ ចំនួន ៥ ប្រភេទដែលល្អបំផុតដល់សុខភាពផ្លូវចិត្ត៖

១. ខាត់ណា៖ ខាត់ណា គឺជាបន្លែដែលមានស្លឹកបៃតងសម្បូរទៅដោយវីតាមីន C វីតាមីន K និង Beta-carotene។ ការទទួលទានខាត់ណានាំឱ្យមានការអភិវឌ្ឍខួរក្បាលដែលមានសុខភាពល្អ និងការផ្គត់ផ្គង់សារធាតុប្រឆាំងអុកស៊ីតកម្មដ៏ច្រើនដែលអាចកាត់បន្ថយការថប់បារម្ភ។ 

២. ផ្លែប៊ឺ៖ ផ្លែប៊ឺគឺជាផ្លែឈើមួយប្រភេទដែលសម្បូរទៅដោយវីតាមីន B គឺជាថ្នាំបំបាត់ភាពតានតឹងដ៏គួរឱ្យភ្ញាក់ផ្អើល។ វាបង្កើតសារធាតុបញ្ជូនសរសៃប្រសាទដែលធ្វើឱ្យអារម្មណ៍របស់យើងមានភាពប្រសើរឡើង។ ប្រភពដ៏ល្អបំផុតមួយនៃវីតាមីន B6 គឺផ្លែប៊ឺ ដែលមានរសជាតិឈ្ងុយឈ្ងាញ់។ វាមិនត្រឹមតែអាចធ្វើឱ្យយើងមានអារម្មណ៍ល្អទេ តែផ្លែប៊ឺក៏អាចជួយការពារជំងឺដាច់សរសៃឈាមខួរក្បាល។ ទទួលទានផ្លែប៊ឺអាចធ្វើឱ្យអ្នកមានអារម្មណ៍ល្អ ហើយផ្លូវចិត្តរបស់អ្នកក៏ល្អដែរ។

៣. ផ្សិត៖ ផ្សិតជារុក្ខជាតិមួយប្រភេទដែលសម្បូរទៅដោយវីតាមីន D វាអាចបង្កើនកម្រិតសេរ៉ូតូនីនរបស់អ្នក។ អាហារដ៏ល្អបំផុតមួយដែលអ្នកអាចញុំាដើម្បីបង្កើនវីតាមីន D គឺផ្សិត។ ជាទូទៅ វីតាមីន D ឃើញច្រើននៅក្នុង អាហារដែលមកពីសត្វ (ដូចជាត្រីខ្លាញ់ ទឹកដោះគោ ពងមាន់) ប៉ុន្តែ ផ្សិត គឺជាអាហារមិនមែនសត្វតែមួយគត់ទេ ដែលអាចផ្តល់វីតាមីន D នៅក្នុងកម្រិតមធ្យម។

៤. ប៊្លូប៊ឺរី៖ ប៊្លូប៊ឺរី ជាផ្លែឈើសម្បូរដោយសារធាតុប្រឆាំងនឹងអ៊ុកស៊ីតកម្ម វាគឺល្អណាស់សម្រាប់ពង្រឹងកោសិការខួរក្បាល។ ជាការពិតណាស់ ការទទួលទានផ្លែប៊្លូប៊ឺរីនិងស្ត្រប៊ឺរី ២ ដងក្នុងមួយសប្ដាហ៍ ជំនួយដល់ការចងចាំធ្វើឱ្យអ្នកមានការចងចាំល្អ។ ប៊្លូប៊ឺរី ជាអាហារសម្រន់ដែលអ្នកចូលចិត្តអាចទប់ទល់នឹងការបាត់បង់ការចងចាំ។ 

៥. អាហារដែលមានជាតិ fermented

អាហារដែលមានជាតិ fermented ដូចជា sauerkraut, kombucha, និង kimchi ងាយស្រួលរកនៅទីផ្សារកសិករ។ អាហារទាំងនេះមានរសជាតិឆ្ងាញ់ ប៉ុន្តែពួកវាក៏ផ្ទុកទៅដោយសារធាតុ probiotics ផងដែរ។ តាមការសិក្សានៅវិទ្យាស្ថានជាតិសុខភាពបានពិនិត្យមើលឃើញពីឥទ្ធិពល probiotics លើស្ថានភាពសុខភាពផ្លូវចិត្ត។ អ្នកស្រាវជ្រាវបានរកឃើញថាការទទួលទាន probiotics កាត់បន្ថយរោគសញ្ញានៃការថប់បារម្ភ និងជំងឺបាក់ទឹកចិត្តដោយបន្ថយបរិមាណ cortisol (អរម៉ូនស្ត្រេស) នៅក្នុងខ្លួន៕