១. អារម្មណ៍នឿយហត់ខុសពីធម្មតា៖ ទោះបីសម្រាកគ្រប់គ្រាន់ហើយក៏ដោយ ក៏អស់កម្លាំងហើយចង់សម្រាកបន្តទៀត។ នេះជាសញ្ញាព្រមានប្រាប់ថា អ្នកអាចមានបញ្ហាបេះដូងទាំងវ័យក្មេងមួយដែរ។ ចំពោះមុខងារបេះដូងបញ្ជូនអុកស៊ីសែនទៅសាច់ដុំ និងសរីរាង្គទាំងមូល។ ការអស់កម្លាំងបែបនេះ អ្នកមិនគួរព្រងើយកន្តើយនោះទេ។​

២. ក្រហាយទ្រូង៖ បញ្ហាបេះដូងជារឿយៗ មិនត្រូវបានរកឃើញនៅដំណាក់កាលដំបូងទេ។ តែវាបង្ហាញជាអារម្មណ៍មិនស្រួលនៅក្នុងក្រពះ អមដោយក្អួតចង្អោរ និងក្រហាយទ្រូង។ ព្រោះការថយចុះចរាចរឈាមនៅក្នុងបេះដូងបណ្តាលឱ្យមានរោគសញ្ញាស្រដៀងគ្នាទៅនឹងបញ្ហារំលាយអាហារមិនបានល្អ។ រោគសញ្ញានេះអ្នកគួរតែកត់សម្គាល់ចំពោះមនុស្សដែលមានអាយុ ៣០ឆ្នាំ ជាពិសេសអ្នកដែលមិនធ្លាប់ឈឺដើមទ្រូងពីមុនមក។

៣. ដកដង្ហើមខ្លីៗ អំឡុងពេលសកម្មភាពធម្មតា៖ ពេលអ្នកដកដង្ហើមខ្លីៗ ពេលអនុវត្តសកម្មភាពប្រចាំថ្ងៃដោយការដើរ និងឡើងកាំជណ្តើរជាដើម។ ព្រោះតែសមត្ថភាពបូមឈាមរបស់បេះដូងរបស់អ្នកបានចុះខ្សោយនាំឱ្យអ្នកដកដង្ហើមខ្លីអំឡុងពេលសកម្មភាពធម្មតា ឬការងារស្រាល។ នេះជារោគសញ្ញាអ្នកគួរតែកត់សំគាល់ផងដែរ៕ អត្ថបទដោយ៖ ទ្រ សុភាព