១. សុខភាពផ្លូវចិត្តមិនអាចខ្វះរាងកាយរឹងមាំបានទេ។ ប្រជាជនជប៉ុនភាគច្រើនមានទម្លាប់ហូបអាហារត្រឹមតែ ៨០%នៃក្រពះ នាំឱ្យពួកគេមានអារម្មណ៍ល្អ មានសុខភាពល្អ រស់នៅបានយូរ។ អាហារជប៉ុនតាមធម្មតាមានដូចជាអង្ករស មានស៊ុប មានចំហុយបន្លែ ឬតៅហ៊ូ។ ជនជាតិជប៉ុនមានទម្លាប់ហូបត្រីច្រើនជាងសាច់ ត្រីចំហុយជាមួយស៊ុត និងមានផ្លែឈើ និងតែបៃតង.. ការហូបអាហារបែបនេះ នាំពួកគេគ្មានជំងឺមហារីក គ្មានជំងឺលើសឈាម នាំឱ្យចិត្តនិងកាយមានសុខភាពល្អ។ កាយមាំត្រូវការអាហារល្អប៉ូវផ្លូវចិត្ត។

២. នៅក្នុងសៀវភៅ The Longevity Project បានធ្វើការស្រាវជ្រាវលើមនុស្សមានអាយុ​លើស​​ ៨០​​​ឆ្នាំ រកឃើញថា អ្នកមានលក្ខណៈ​និស្ស័យម៉ឺងម៉ាត់ជួយឱ្យរស់នៅមានសតិបញ្ញា និងរស់នៅបានយូរ។ អ្នកនៅក្នុងវ័យកំលោះ ក្រមុំដែលរស់នៅយ៉ាង​មានសតិ​ស្មារតី មានភាពម៉ឺងម៉ាត់ហ្មត់ចត់ និងមានភាពទទួលខុសត្រូវលើខ្លួនឯង ច្រើនតែជាអ្នកមានផ្លូវចិត្តរឹងមាំ មានសមត្ថភាពខ្លាំង។

៣. កុំយកភាពល្អឥតខ្ជោះខ្លាំងពេក ៖ ពាក្យនិយាយ Iitoko-Dori មានន័យថា ចូរផ្តោតលើតែចំណុចល្អ ដើម្បីបញ្ចូលអត្ថប្រយោជន៍ក្នុងជីវិត។ ជនជាតិជប៉ុនតែងតែមានផ្នត់គំនិតថា ធ្វើអ្វីមួយ​ កុំយកល្អឥតខ្ជោះខ្លាំងពេកត្រឹមតែរយៈពេលខ្លី ព្រោះចំណុចល្អបំផុត វាត្រូវឆ្លងកាត់កំហុស និងចំណាយពេលច្រើនណាស់ ដើម្បីបានលទ្ធផលល្អ។ សរុបរួម ភាពល្អឥតខ្ចោះ ធ្វើបណ្តើរ កែប្រែបណ្តើរ ទើបជីវិតនិងសមត្ថភាពរីកចម្រើន។ ចិត្តរីករាយពេលអ្នកមានសមត្ថភាពខ្លាំង៕ អត្ថបទដោយ៖ ទ្រ សុភាព