ខួរក្បាលគឺជាសរីរាង្គសំខាន់បំផុតមួយក្នុងខ្លួនរបស់មនុស្សគ្រប់គ្នា។ជាប្រចាំថ្ងៃយើងតែប្រើប្រាស់ខួរក្បាលច្រើនណាស់ ដូច្នេះបើសិនអ្នកអាយុតិចទេ តែសមត្ថភាពខួរក្បាលវិញចេះតែមានបញ្ហាមិនចេះឈប់ ដូចជាភ្លេចភ្លាំងច្រើន ដុចអាយុ៥០ ទៅ៦០ឆ្នាំ ។ សូមកុំបណ្ដោរយូរ ប្រញាប់រកភេសជ្ជៈជំនួយខួរក្បាល៣មុខនេះផឹកព្រឹកឡើង ដើម្បីដាស់ខួរក្បាលឱ្យងើបឡើងមកវិញ។
ភេសជ្ជៈទាំង៣នោះមានដូចខាងក្រោមនេះ៖
១.តែក្រូចឆ្មារ+ទឹកឃ្មុំ៖ ភេសជ្ជៈលាយគ្នា១មុខនេះ មានប្រយោជន៍មហាសាល ផឹកពេលព្រឹកជួយឱ្យអ្នកមានអារម្មណ៍ស្រស់ថ្លាមួយកម្រិត បន្ថែមលើសសពីនេះ ទឹកនេះក៏ ជួយដល់ស្បែកលោកអ្នកកំពុងមានបញ្ហា។ តាមការវិភាគឱសថស្ថានធម្មជាតិ ភេសជ្ជៈតែក្រូចឆ្មារ+ទឹកឃ្មុំអាចជួយព្យាបាលទប់ស្កាត់ ការកើតរោគផ្សិត ប្រឆាំងការកើតជំងឺស្បែក។ មួយវិញទៀត វីតាមីនស៊ី ក្នុងផ្លែក្រូចអាចជួយឱ្យស្បែកក្មេងជាងវ័យ ចំណែកទឹកឃ្មុំវិញជួយកម្ចាត់បាក់តេរី ការរលាកផ្សេងៗលើស្បែក កាត់ជាតិប្រេងលើសលើស្បែកបាន ។
២..កាហ្វេ៖ គឺមានប្រយោជន៍ច្រើនសម្រាប់សុខភាពក៏ដូចជាមានប្រយោជន៍សម្រាប់សរីរាង្គរបស់ខួរក្បាលដូចគ្នា។ ដូច្នេះហើយប្រសិនណាអ្នកភ្ញាក់ពីគេងព្រឹកឡើងមក មានអារម្មណ៍ថា ដូចជាមិនស្រឡះខួរក្បាលសោះ រាងស្ពឹកៗ ស្ទក់ៗ មិនដំណើរការ អ្នកអាចផឹកកាហ្វេនៅពេលព្រឹកបាន។ ក៏ប៉ុន្ដែសម្រាប់អ្នកមានជំងឺប្រចាំកាយ មានដូចជា ជំងឺបេះដូង ក្រពះពោះវៀនជាដើម ការផឹកកាហ្វេអាចមានបញ្ហាដល់សុខភាព អាស្រ័យហេតុនេះហើយ មុនផឹកគួរពិភាក្សាជាមួយគ្រូពេទ្យជំនាញជាមុនសិន ឬក៏អ្នកគួរតែដឹងពីស្ថានភាពជំងឺរបស់អ្នកដូចគ្នា ថាអ្នកអាចផឹកកាហ្វេបានឬអត់។
៣.ទឹកធម្មតា៖ កាតព្វកិច្ចដែលអ្នកគួរតែធ្វើឱ្យក្លាយជាទម្លាប់ គឺការផឹកទឹក១កែវ នៅពេលដែលអ្នកភ្ញាក់ពីគេងនៅពេលព្រឹកព្រោះរាងកាយរបស់អ្នកអត់ទឹកជាច្រើនម៉ោងមកហើយ ដូច្នេះពេលភ្ញាក់ពីគេងហើយអ្នកផឹកទឹក គឺផ្ដល់អត្ថប្រយោជន៍ច្រើនដូចជាស្រឡះខួរក្បាល ប្រព័ន្ធរាងកាយដំណើរល្អ លាងជាតិពុលកង្វក់ផ្សេងៗចេញពីថ្លើម និងតម្រងនោមរបស់អ្នកដូចគ្នា៕