គ្រប់គ្នាប្រាកដជាដឹងស្រាប់រួចហើយថា ការហាត់ប្រាណជាប្រចាំថ្ងៃគឺល្អខ្លាំងសម្រាប់សុខភាព អ្នកជំនាញក៏បានណែនាំផងដែរថា ការហាត់ប្រាណអាចជួយបណ្ដេញស្ត្រេស បាក់ទឹកចិត្ត ជំងឺលើសឈាម ល្អសម្រាប់ខួរក្បាលផងដែរ។ តួយ៉ាងដូចជាលំហាត់ប្រាណ១នេះគឺមានប្រសិទ្ធភាពល្អបំផុតកាត់បន្ថយហានិភ័យជំងឺបេះដូងរហូតដល់១៨ភាគរយគ្រាន់តែហាត់ រយៈពេល៣០នាទីក្នុង១សប្ដាហ៍។

តាមការសិក្សាស្រាវជ្រាវដោយសមាគមន៍បេះដូងអាមេរិកបានណែនាំមកថាការជិះកង់ត្រឹមតែ៣០នាទីក្នុង១សប្ដាហ៍អាចជួយកាត់បន្ថយហានិភ័យជំងឺបេះដូង១៨ភាគគរយ។​លើសពីនេះការសិក្សាដដែលបានសិក្សាលើមនុស្ស២០០០០នាក់ រយៈពេល១០ឆ្នាំ អ្នកដែលដើរឬជិះកង់ជាទម្លាប់ ប្រមាណ១៥ភាគរយមិនសូវជាមានបញ្ហាធាត់ ១៣ភាគរយមិនសូវលើសសម្ពាធឈាម​និង១៣ភាគរយមានកូឡេស្តេរ៉ូលទាបជាងអ្នកធម្មតា។

មួយវិញទៀតតាមរយៈលោកវេជ្ជបណ្ឌិត Aeshita Dwivedi ឯកទេសជំងឺបេះដូងនៅ Lenox Hilបាននិយាយថាការហាត់ប្រាណអាចបង្កជាគាំងបេះដូងតែវាមានភាគរយតិចណាស់ តែភាគរយច្រើនដែលគាំងបេះដូងមកពីមិនដែលហាត់ប្រាណ។ ដោយហេតុថាអ្នកគាំងបេះដូងមកពីគាត់មានបញ្ហាបេះដូងស្រាប់ ការស្រ្តេសរួមទាំងការហាត់ប្រាណដែលដាក់បន្ទុកទៅលើបេះដូងទៀត ក៏អាចគាំងបេះដូងឡើងមក។យោងតាមរយៈលោកវេជ្ជបណ្ឌិត ហង្ស ដារ៉ាបានបញ្ជាក់ផងដែរថា ការហាត់លើសកម្រិតគឺ លើសពី១ម៉ោងកន្លះទៅ ២ម៉ោងក្នុង១ថ្ងៃ។ ក្រៅពីនោះ សម្រាប់អ្នកមានជំងឺបេះដូង ឬបេះដូងប្រហោង កាលណាប្រឹងហាត់ប្រាណពេក អាចធ្វើឱ្យផ្ទុះសាច់ដុំបេះដូង ក៏ដូចជាផ្ទុះសរសៃឈាមបេះដូងស្លាប់ភ្លាមៗបាន។

ដូច្នេះសូមហាត់ប្រាណឱ្យបានត្រឹមត្រូវ តាមការណែនាំរបស់អ្នកជំនាញ កុំចេះតែហាត់ប្រើប្រាស់លើសកម្លាំងខ្លួនប្រយ័ត្នមានបញ្ហាសុខភាពឡើងមកនៅពេលកំពុងហាត់៕

អត្ថបទដោយ៖ ប៉ែត ធីតា