កូឡេស្តេរូល គឺជាសារធាតុរាវដូចជាក្រមួនឬប្រេង ដែលធ្វើដំណើរពាសពេញរាងកាយតាមរយៈ តេលិកាប្រូតេអ៊ីន (lipoproteins)  ហើយប្រហែល៨០% ត្រូវបានផលិតដោយថ្លើម និងប្រភពដែលនៅសល់បានមកពី ការទទួលបានបន្ថែម ពីអាហារដែលបានបរិភោគ។ កូឡេស្តេរូល ដែលច្រើនលើសលប់ អាចនឹងករនៅក្នុងសរសៃឈាមអាទែ ដែលបណ្តាលឱ្យមាន ជំងឺលើសឈាម គាំងបេះដូង និងដាច់សរសៃឈាមខួរក្បាល ដោយសារតែការកើនឡើងនូវកំណកឈាម និងការរាំងនៃស្ទះលំហូរឈាម។

ការធ្វើតេស្តឈាមត្រូវបានតម្រូវឱ្យវាស់នៃកម្រិតនៃកូឡេស្តេរុល និង តេលិកាប្រូតេអ៊ីន (lipoproteins)  នៅក្នុងឈាម។ កូលេស្តេរ៉ុលមិនអាចធ្វើដំណើរដោយសេរីតាមរយៈចរន្តឈាមបានទេ ផ្ទុយទៅវិញវាត្រូវបានផ្សាភ្ជាប់ជាមួយនឹង តេលិកាប្រូតេអ៊ីន (lipoproteins)។ តេលិកាប្រូតេអ៊ីន (lipoproteins) មានពីរប្រភេទចម្បងដោយផ្អែកលើបរិមាណកូឡេស្តេរុល គឺត្រូវបានស្គាល់ថាជា កូឡេស្តេរូល មិនល្អ (LDL) និង កូឡេស្តេរូលល្អ (HDL)។

កូឡេស្តេរុលល្អ (High Density Lipoprotein) គឺត្រូវបានពង្រឹងកោសិកានៃរាងកាយ ដែលដឹកកូឡេស្តូរុល ពីជាលិការាងកាយ ទៅថ្លើម និងកំចាត់ឬបញ្ឈប់កូឡេស្តេរុល មិនល្អ ចេញពីឈាម ហើយថែមទាំងប្រឆាំង ឬបង្ការនូវជំងឺសរសៃឈាមបេះដូង ការគាំងបេះដូង និងជំងឺដាច់សរសៃឈាមខួរក្បាល។ កូឡេស្តេរុល មិនល្អ (Low Density Lipoprotein) ត្រូវបានដឹក កូឡេស្តេរុលពីថ្លើម ទៅកោសិការាងកាយ ដែលមានសមាមាត្រខ្ពស់នៃកូឡេស្តេរុលទៅនឹងប្រតេអ៊ីន។ ការកកើនឡើងច្រើននៃ កូឡេស្តេរុល មិនល្អ (LDL) ក្នុងរាងកាយ ត្រូវបានផ្សាភ្ជាប់ជាមួយនឹងជំងឺសរសៃឈាមបេះដូងផង។

មុខងារនៃកូឡេស្តេរុល៖ មនុស្សភាគច្រើនតែងគិតអវិជ្ជមានទៅលើកូឡេស្តេរុល ប៉ុន្តែ កូឡេស្តេរុលល្អ បានដើរតួនាទីយ៉ាងសំខាន់ក្នុងការបំពេញមុខងាររាងកាយមួយចំនួនដូចជា៖

- ជំរុញឱ្យរាងកាយផលិតវិតាមីនឌី

- អាចឱ្យរាងកាយផលិតនូវអ័ម៉ូនសំខាន់ៗមូយចំនួនដូចជា អរម៉ូនអឺដ្រូសែន (estrogen) និងអរម៉ូនតេស្តូស្តេរ៉ូន (testosterone)

- ដើរតួនាទីយ៉ាងសំខាន់ក្នងការរំលាយអាហារ ដែលជួយមុខងារថ្លើមដើម្បីបង្កើតទឹកប្រមាត់ ក្នុងការរំលាយអាហារបន្ទាប់ពីបានទទួលទាន។

- រួមចំណែកដល់រចនាសម្ព័ន្ធនៃជញ្ជាំងកោសិកា

កូឡេស្តេរ៉ុលមិនមែនជាហេតុផលសម្រាប់ការវិវត្តទៅជាជំងឺបេះដូងនោះទេប៉ុន្តែការកកើតកូឡេស្តេរ៉ុលគឺជាផ្នែកមួយនៃដំណើរការដែលធ្វើអោយសរសៃឈាមតូចចង្អៀតដែលត្រូវបានគេស្គាល់ថាជាជំងឺសរសៃឈាម ដែលស្ថានភាពនេះបណ្តាលឱ្យស្ទះនៅក្នុងសរសៃឈាម និងរឹតបន្តឹងលំហូរឈាម។ ការផ្លាស់ប្តូរនៃរៀបនៃការរស់នៅ ដូចជាកាត់បន្ថយអាហារដែលមានសារជាតិខ្លាញ់មិនល្អ ឬ បន្ថយកម្រិតកូឡេស្តេរុល បង្កើតទម្លាប់ល្អក្នុងការហាត់ប្រាណ រួមនឹងការជៀសវាងការជក់បារី ដើម្បី ជាជំហានឆ្ពោះទៅរកការរស់នៅប្រកបដោយសុខភាពល្អ៕

ប្រភព៖ mahitalks.com

កែសម្រួលដោយ៖ Sem Sotheary