ពេលនេះ កូវីដ ១៩ កំពុងតែឆ្លងចំនួនច្រើន ហើយមានខណ្ឌមួយ តាមក្រសួងព័ត៌មាន - Ministry of Information បានបញ្ជាក់ថា នៅអាជ្ញាធរខណ្ឌដង្កោ រាជធានីភ្នំពេញ បានរាយការណ៍ថា មានកម្មករ-កម្មការិនី នៅរោងចក្រហ្វ័រត្រេស កម្មករជាង១ពាន់នាក់បានរត់ចេញពីរោងចក្រពីកន្លែងយកសំណាក ពេលក្រុមគ្រូពេទ្យចុះទៅយកសំណាក។
ហេតុការណ៍នេះ បានកើតឡើងនៅម៉ោង ៧ជាង វេលាពេលយប់ថ្ងៃទី ០៩ ខែមិថុនា ឆ្នាំ២០២១នេះ។ ពេលក្រុមគ្រូពេទ្យបានចុះយកសំណាក នៅទីតាំងរោងចក្រផ្ទាល់ នៅម៉ោង ៧ជាង ពេលយប់។ ក្រុមគ្រូពេទ្យបានយកសំណាក ហើយកម្មករ ក៏បានសុំឲ្យក្រុមគ្រូពេទ្យវាយត្រាបញ្ជាក់ថា ឱ្យពួកគាត់បានយកសំណាករួច តែក្រុមគ្រូពេទ្យ បានប្រាប់ថា ការធ្វើតេស្តលើកទី២ ហើយក្រុមគ្រូពេទ្យបានបញ្ជាក់ថា ពេលនោះកម្មករក៏ចាប់ផ្តើមបង្កភាពអនាធិបតេយ្យ មិនស្តាប់ការណែនាំរបស់ក្រុមគ្រូពេទ្យ និងអាជ្ញាធរឡើយ ហើយក៏បាននាំគ្នារត់ចេញពីក្នុងរោងច្រចេញមកខាងក្រៅតែម្តង៕
អត្ថបទដោយ៖ ទ្រ សុភាព