យោងទៅតាមគណនីផ្លូវការរបស់ រដ្ឋបាលខេត្តសៀមរាប ថ្ងៃទី១២ ខែ ឧសភានេះ បង្ហាញឱ្យបានដឹងថា សាកលវិទ្យាល័យ អាជូ (AJOU UNIVESITY) នៅសាធារណរដ្ធកូរ៉េ បានប្រកាសជ្រើសរើស និស្សិតអាហារូបករណ៍ ចំនួន០១នាក់ ដើម្បីបន្ដការសិក្សាថ្នាក់វិញ្ញាបត្រជាន់ខ្ពស់ លើជំនាញ០៤មុខ ។ ​អាហារូករណ៍នេះគឺមានគោលបំណងចូលរួមចែករំលែកក្នុង ចំណេះដឹងដល់និស្សិត ក្នុងការអភិវឌ្ឍប្រទេស និង ពង្រឹង ជំនាញផ្នែក កិច្ចសហប្រតិបត្តិការ រវាងប្រទេសទាំងពីរឱ្យកាន់តែប្រសើរឡើង ។

ប្រភពដដែលបានបញ្ជាក់ថា សាកលវិទ្យាល័យ អាជូ ផ្ដល់ជូនអាហារូបករណ៍ នូវថ្លៃសិក្សា ១០០ភាគរយ​ កន្លែងស្នាក់នៅ​ និងប្រាក់ឧបត្ថម្ភផ្សេងទៀតក្នុងអំឡុងពេលសិក្សារហូតដល់បញ្ចប់ដោយជោគជ័យ ។

ពាក់ព័ន្ធមុខវិជ្ជាសិក្សារួមមាន៖

o  ធុរកិច្ចអន្តរជាតិ

o  ពាណិជ្ជកម្មអន្តរជាតិ

o  ការអភិវឌ្ឍ និងកិច្ចសហប្រតិបត្តិការអន្តរជាតិ

o  ការសិក្សាពីសង្គមវិទ្យា

សម្រាប់និស្សិត​ដែលចាប់អារម្មណ៍ចង់ដាក់ពាក្យ សុំអាហារូបករណ៍នេះ សូមផ្ញើពាក្យទៅកាន់ការិយាល័យកសាងសមត្ថភាព នៃទីចាត់កាគ្រប់គ្រងធនធានមនុស្ស ត្រឹមថ្ងៃទី ២០​ ខែឧសភា ឆ្នាំ២០២២ ។ ប្រសិនបើចង់ជ្រាបច្បាស់​សូមទំនាក់ទំនង់តាមរយៈ ០៧៧​ ៣៤៩ ៩៣៦ / ០៩៣​ ៣៤៩ ៩៣៦ ។ ហើយភ្ជាប់នូវ លក្ខខណ្ឌជ្រើសរើស និងទម្រង់ដាក្យពាក្យសុំអាហារូបករណ៍ ៕

ប្រភព ៖ រដ្ឋបាលខេត្តសៀមរាប/Siem Reap Provincial Hall

អត្ថបទដោយ ៖ ជុជ ណាឃីម