ធ្លាប់លឺគេនិយាយថា គេងអាក្រាតកាយ(ស្រាត)ជួយឱ្យអ្នកមានអារម្មណ៍ស្រស់ថ្លា។ បើយោងតាមប្រភព Healthline បានឱ្យដឹងថា ការគេងស្រាតផ្ដល់នូវអត្ថប្រយោជន៍ដូចជា ការគេងស្រាតបង្កើនគុណភាពនៃការគេង ស្បែកមានសុខភាពល្អ កាត់បន្ថយភាពតានតឹង ទ្វារមាសមានសុខភាពល្អ ជួយឱ្យបុរសឆាប់មានកូន និងកាត់បន្ថយជំងឺទឹកនោមផ្អែម។ យ៉ាងណាក្ដីប្រសិនបើអ្នកគេងស្រាតលើពូកញឹកញាប់ មិនដែលសម្អាត វាក៏អាបង្កជាផលរំខានច្រើនយ៉ាងផងដែរ។
បើយោងតាមប្រភព VNexpress បានបញ្ជាក់ឱ្យដឹងថា ការគេងអាក្រាតកាយងាយបង្កឱ្យមានកន្ទួលលើស្បែក រមាស់ស្បែកដោយសារតែប៉ះនឹងភាពកខ្វក់លើកម្រាលពូក ហើយភាពកខ្វក់លើកម្រាលពូកក៏បង្កឱ្យអ្នកមានអាការតឹងច្រមុះ ក្អក ឬកណ្តាស់ផងដែរ។
បើយោងតាមការស្រាវជ្រាវរបស់ក្រុមហ៊ុនពូក Casper បាននិយាយថា ប្រជាជនអាមេរិកជាង២៨% ពួកគេគេងអាក្រាតកាយជារៀងរាល់ថ្ងៃ ហើយជាង៧១% ពួកគេចូលគេងពាក់សម្លៀកបំពាក់។ ជាការពិតណាស់ ការគេងស្រាកមិនមែនជាទម្លាប់អាក្រក់នោះទេ ប៉ុន្តែគ្រប់យ៉ាងមិនល្អទាំងអស់នោះដែរ ដោយសារតែនៅពេលអ្នកគេងនៅពេលយប់ អ្នកអាចបែកញើសពីមួយយប់ទៅមួយយប់ ដែលវាងាយប្រតិកម្មជាមួយស្បែករបស់អ្នក។
បើយោងតាមការលើកឡើងរបស់លោក Julius Patrick មានតួនាទីជាប្រធានផ្នែកស្រាវជ្រាវនៃការគេងនៅមន្ទីរពេទ្យBupa’s Cromwell បានឱ្យដឹងថា នៅពេលដែលអ្នកគេង ញើសនឹងកកកុញនៅលើកម្រាលពូកពីមួយថ្ងៃទៅមួយថ្ងៃ បន្ទាប់មកឆ្លងទៅឆ្លងរាងកាយ ឬស្បែករបស់អ្នក។ វាអាចធ្វើឱ្យអ្នកកើតជំងឺផ្ដាសាយ។
អ្នកជំនាញ Julius Patrick បាននិយាយបន្ថែមថា កម្រាលពូក និងពូកច្រើនតែកកកុញ ធូលីដី ញើស ឬកម្ទេចកម្ទី។ ការប៉ះពាល់ស្បែកជាមួយកម្រាលពូកអាចបណ្ដាលឱ្យមានកន្ទួល និងរមាស់។ ប៉ុន្តែប្រសិនបើការស្លៀកសម្លៀកបំពាក់ នៅពេលគេងជួយការពារភាពកខ្វក់មិនឱ្យជាប់នឹងស្បែក ដែលមិនបណ្ដាលឱ្យស្ទះរន្ធញើស និងមិនបង្កឱ្យកើតមុន។
អ៊ីចឹងការគេងស្រាត ឬអាក្រាតកាយអាចបណ្ដាលឱ្យស្បែករបស់អ្នករងប្រតិកម្មអាឡែស៊ី ក្អក ហៀរសំបោរញឹកញាប់ និងកណ្ដាស់ញឹកញាប់។ អ្នកជំនាញបានណែនាំឱ្យលាងកម្រាលពូកយ៉ាងតិច២ដងក្នុងមួយសប្ដាហ៍។ អ្នកដែលមានជំងឺស្បែករបកក្រហម មិនគួរដេកអាក្រាតកាយឡើយ។
វិធីសាស្ដ្រក្នុងការគេងលក់ស្កប់ស្កល់ដោយមិនដោះសម្លៀកបំពាក់ គឺអ្នកជំនាញបានណែនាំថា គួរងូតទឹកមុនពេលចូលគេង។ មួយវិញទៀត មនុស្សមួយចំនួនអះអាងថា ការងូតទឹកក្ដៅ ឬងូតទឹកត្រជាក់ ជួយជំរុញឱ្យការគេងបានលឿន និងគេងលក់ស្កប់ស្កល់៕