គូសបញ្ជាក់ឱ្យដឹងថា គោលបំណងនៃការចុះកិច្ចសហប្រតិបត្តិការនេះគឺ ដើម្បីផ្តល់នូវគុណតម្លៃបន្ថែមជូនដល់បុគ្គលិក ក្រុមគ្រួសារបុគ្គលិក និងអតិថិជន របស់ Legend Cinema ទាំងអស់ ក្នុងន័យលើកកម្ពស់សុខភាពមាត់ធ្មេញ របស់ពួកគាត់ដើម្បីកាត់បន្ថយការចំណាយលើសេវាថែទាំពិនិត្យ ព្យាបាលធ្មេញ ក្នុងតំលៃពិសេស និង សេវាកម្មកម្រិត VIP ក្រោមភាពយោគយល់ក្នុងនាមជាដៃគូរសហការណ៍ និងចូលរួមធ្វើយុទ្ធនាការទីផ្សាររវាងគ្នានិងគ្នា។

ជាការពិតណាស់ សម្រាប់បងប្អូនដែលមិនទាន់ដឹង! មន្ទីរព្យាបាលធ្មេញសន្តិភាពគឺ ជាមន្ទីរព្យាបាលធ្មេញ ឈានមុខគេមួយនៅកម្ពុជា គឺចាប់ផ្ដើមបើកដំណើរការ ជាច្រើនឆ្នាំមកហើយ។ មន្ទីរព្យាបាលធ្មេញសន្តិភាព គឺមានទន្តបណ្ឌិត ឯកទេសច្បាស់លាស់ក្នុងការព្យាបាលមាត់ធ្មេញ អាចជួយកែប្រែស្នាមញញឹម បងប្អូនដែលមានបញ្ហាធ្មេញ ឱ្យញញឹមស្រស់មកវិញ គ្រាន់តែមកទទួលការព្យាបាលបញ្ហាធ្មេញគ្រប់ប្រភេទ  នៅមន្ទីរព្យាបាលធ្មេញសន្តិភាព។ អ្វីដែលកាន់តែជឿជាក់ គឺខាងមន្ទីរព្យាបាលគឺមានប្រើប្រាស់ឧបករណ៍ទំនើបៗ ដែលអាចជួយព្យាបាលធ្មេញជូនបងប្អូនប្រកបដោយបច្ចេកទេសត្រឹមត្រូវ ជំនាញច្បាស់លាស់ ចំណេញពេលវេលា និងព្យាបាលមានប្រសិទ្ធភាពពិតប្រាកដ៕

អត្ថបទដោយ៖ ប៉ែត ធីតា​(petthidaa)