ជាការពិតបើនិយាយដល់វ័យចូលនិវត្តន៍ធ្វើការរបស់និយោជិក ទាល់តែចូលដល់៦០ឆ្នាំ ប៉ុន្តែក៏មានមនុស្សមួយចំនួន បានរៀបចំផែនការចូលវិវត្តន៍មុនពេលកំណត់បានផងដែរ។ ចង់ចូលនិវត្តន៍លឿន រស់នៅស្រួល ទាំងទោះមិនធ្វើការឱ្យគេ ក៏មិនខ្វះខាតមិនភ័យរឿងចំណូលចំណាយ ជារឿងចាំបាច់បំផុតដែលអ្នកត្រូវត្រៀមខ្លួន មានយុទ្ធសាស្ត្រជាមុន។ ផ្អែកតាមគេហទំព័រTimeofindia បានចែករំលែកពីគន្លឹះ៤ ហាមភ្លេចខ្លួន ភ្លេចធ្វើបើអ្នកមានបំណងចង់រស់ក្នុងជីវិតសេរីភាពហិរញ្ញវត្ថុក្នុងពេលឆាប់ៗ៖

១ ត្រៀមបម្រុងសម្រាប់សុខភាព៖ មនុស្សគ្រប់គ្នាខ្លាចបំផុតគឺសុខៗខ្លួនឯងឬក្រុមគ្រួសារឈឺគ្មានលុយមើល។ ហេតុនេះ ជារឿងចាំបាច់បំផុតត្រូវរៀបចំកញ្ចប់លុយកាកជាមុន កាន់តែងាយស្រួលលោកអ្នកអាចទិញកញ្ចប់សុខភាព ឬកញ្ចប់ធានារ៉ាប់រងអាយុជីវិតទុកជាមុន។ ប្រៀបដូចជាការសន្សំមួយដែល សន្សំជាមួយធានារ៉ាប់រងមិនទទួលការប្រាក់ច្រើនដូចសន្សំនៅធនាគារក៏ពិតមែន តែនឹងទទួលបានភាគលាភ អត្ថប្រយោជន៍ច្រើនសម្រាប់សុខភាពនិងអាយុជីវិតខ្លួនឯង។ ចូរអ្នកសិក្សាជាមួយក្រុមហ៊ុនធនារ៉ាប់រងណាមួយ ដែលអ្នកទុកចិត្តជាមុន។

២ ចេះសន្សំ៖ មួយខែៗបើអ្នកចំណាយច្រើនជាចំណូល មិនខុសអ្វីពីបំផ្លាញផែនការចូលវិវត្តន៍របស់ខ្លួនឯងនោះឡើយ។ ហេតុនេះត្រូវគិតសារឡើងវិញ ពីចំណូលចំណាយប្រចាំថ្ងៃ ប្រចាំខែឱ្យច្បាស់លាស់ឡើងវិញ។

៣ គិតគូររឿងបំណុល៖ ជាប់បំណុលមិនអាចជួយឱ្យអ្នកចូលនិវត្តន៍បាននោះទេ ប្រសិនបើអ្នកមានជាប់បំណុល តិចក្ដី ច្រើនក្ដី គួរតែរកវិធីសងឱ្យអស់ជាមុនសិន។ នោះអ្នកនឹងអាចសន្សំសម្រាប់អនាគតខ្លួនឯងបានហើយ។ កុំទាន់ចង់សប្បាយ ចាយច្រើនហ៊ឺហាដរាបណាចំណូលនៅតិច ថែមទាំងជាប់បំណុលទៀត។

៤ ផែនការចាយលុយ៖ មុនចូលវិវត្តន៍បាន ត្រូវមានផែនការចាយលុយឱ្យបានហ្មត់ចត់ជាមុនសិន។ ដូចជាតើអ្នកត្រូវចំណាយប៉ុន្មានប្រចាំខែ នៅពេលដែលអ្នកចូលវិវត្តន៍ទៅ យកលុយធ្វើអ្វីខ្លះ រៀបចំកញ្ចប់លុយបែងចែង ច្បាស់លាស់ហើយឬនៅ ដូចជាកញ្ចប់ខាងលើជាដើម និងត្រៀមសម្រាប់ហានិភ័យចៃដន្យណាមួយ ជាមុនផងដែរ។ ចូរគិតពិចារណាឡើយវិញ ពីផែនការណាមួយ ដែលអ្នកបានរៀបចំចំណាយលុយខុសខ្ទង់ ដែលវាមអាចនាំបញ្ហាថ្ងៃក្រោយសម្រាប់អ្នក៕

អត្ថបទដោយ៖ Senghong